SAATLIDA ATA OĞLUNU ÖLDÜRÜB MEYİTİNİ GİZLƏTDİ

	13 fevral 2012


Onlayn ictimai-siyasi qəzet

Kriminal

SAATLIDA ATA OĞLUNU ÖLDÜRÜB MEYİTİNİ GİZLƏTDİ

2010-09-03

Sumqayıtda isə üç qardaş bıçaqlandı

Saatlı rayonunda dəhşətli qətl hadisəsi baş verib. Rayon polis şöbəsindən verilən məlumata görə, rayonun Qaranur kənd sakini, 77 yaşlı Səməd Həbi oğlu Qasımov ailə münaqişəsi zəminində oğlu 49 yaşlı Rasim Səməd oğlu Qasımovu balta ilə vuraraq qətlə yetirib.

Şahidlərin verdiyi məlumata görə, hadisə 3 gün əvvəl baş verib. Ata oğlunu öldürdükdən sonra meyiti evinin damında gizlədib. Sonradan yaranan kəskin qoxu faktın üzə çıxmasına səbəb olub. Qətlin hansı səbəbdən törədildiyi məlum deyil (anspress).
Sumqayıt şəhərində də dəhşətli qətl hadisəsi baş verib. Şəhər prokurorluğundan verilən məlumata görə, Sumqayıt sakini 23 yaşlı Pərvin Novruzov Kimyaçılar qəsəbəsində münaqişə zəminində qonşusu 25 yaşlı Hafiz Seyidovu qətlə yetirib, onun iki qardaşına isə bıçaqla xəsarət yetirərək hadisə yerindən qaçıb.
Sumqayıt Şəhər Polis İdarəsi əməkdaşlarının həyata keçirdikləri axtarış tədbirləri nəticəsində P.Novruzov tutulub.
Mərhumun yaxınlarının milli.az-a verdiyi məlumata görə, saxlanılan Pərvin Novruzovun Hafiz Seyidova pul borcu olub. Dəfələrlə pulunu geri qaytarmasını tələb etsə də, buna nail ola bilməyib. Yaxınları deyib ki, Pərvin hadisəni törədərkən atası Vəli Novruzov da onun yanında olub (milli.az).

Xəbər xidməti

754 dəfə baxılıb