«QURANDA RADİKALLIQ TƏBLİĞ OLUNMUR» | Mənəviyyat

	12 fevral 2012


Onlayn ictimai-siyasi qəzet

Mənəviyyat

Â«QURANDA RADİKALLIQ TƏBLİĞ OLUNMURÂ»

2009-10-02

Gündüz İsmayılov: “Radikallığın mənbəyi dırnaqarası müsəlmanlardır”

Mətbuatda yayılan xəbərlərə görə, Qazaxıstan hökuməti islam dini əleyhinə qərar qəbul edib. Qazaxıstanın Ədliyyə Nazirliyi və Prokurorluğu bir qrup cinayətkar dəstələrin əlində bəzi Quran surələrinin əsas götürülməsini nəzərə alaraq onları da ekstremist material siyahısına salıb. Astana məhkəməsinin qərarında Radikal vəhabiliyin, “Müsəlman qardaşlar” təşkilatı və “Hizbu təhrir” partiyasının təbliğ etdiyi kitablar, broşurlar və audio yazılar ekstremist materiallar hesab edilərək təbliği qadağan edilib.

ANS-Pressin məlumatına görə, Qazaxıstanın Ədliyyə Nazirliyinin rəsmi saytında bu barədə qərar da dərc edilib.
Qadağan edilən audio yazılarda “Əhqaf”, “Muhəmməd”, “Fəth”, “Hucurat”, “Kəhf”, “Mülk”, “Qələm”, “Əl Həqqa”, “Məaric”, “Nuh”, “Cin”, “Müzəmmil”, “Müdəssir”, “Qiyamət”, “İnsan”, “Mürsəlat”, “Əl Bəqərə” surələri Şeyx Mişari Rəşid tərəfindən qiraət edilib. Qazaxıstan əhalisinin əksəriyyəti müsəlman olan ilk ölkədir ki, Quran surələrini qadağan edib.
Bəs, “Qurani-Kərim”də ekstremizmi təbliğ edən, radikallığa meyl yaradan surələr varmı? İlahiyyatçı Gündüz İsmayılovun bildirdiyinə görə, “Qurani-Kərim”də radikallıq üçün əsas olan heç bir surə yoxdur. İlahiyyatçının fikrincə, belə bir surənin olduğunu iddia etmək absurddur: “Qurani-Kərim humanizm prinsipləri ilə zəngin olan, insanlığa, insanlara lazım olan fikirlərə, ideyalara ehtiva edən bir kitabdır. Bu kitabda hansısa radikallığa meyl edən bir fikir olsaydı, bütün surələr ”Bismillahir-rahmanir-rahim"lə- “Mərhəmətli və rəhimli Allahın adı” ilə başlamazdı. Qızğın döyüşlərdən qayıdan səhabələri Həzrəti Peyğəmbərə deyəndə ki, ya peyğəmbər, biz cihaddan qayıtdıq. Deyib ki, ən böyük cihad nəfslə olan cihaddır. Biz Quranda necə yaşanılmalı olduğunu da peyğəmbərin həyatından götürürük. Peyğəmbər isə rəhmət peyğəmbəridir. Qurani Kərimdə buyrulub ki, biz səni aləmlərə rəhmət olaraq və gözəl əxlaqı tamamlayasan deyə göndərdik. Qurani-Kərimdə radikallıq axtarmaq Allahın özündə radikallıq axtarmaq kimidir".
G.İsmayılov onu da bildirdi ki, bir qrup insanlar bu kitabdan yararlanaraq öz mənafeləri üçün istifadə edirlər: “Radikallıq qrup mənafeyi, öz maraqları, yaxud siyasi maraqlar prizmasından şərh edən insanlardan qaynaqlanır. Bu aqressiyanın mənbəyi bir qrup dırnaqarası müsəlmanlardır”.

SEVİL

1714 dəfə baxılıb