UMUD RƏHİMOĞLU BMT-nin TOPLANTISINA QATILIB

	23 may 2012


Onlayn ictimai-siyasi qəzet

Media

UMUD RƏHİMOĞLU BMT-nin TOPLANTISINA QATILIB

2012-02-10

BAMF təmsilçisi qurumun sessiyasında çıxış edib

Beynəlxalq Avsrasiya Mətbuat Fondunun (BAMF) sədri Umud Rəhimoğlu və fondun beynəlxalq əlaqələr və proqramlar departamentinin rəhbəri Nik Nvolisa Nyu Yorka səfər ediblər. Səfərin məqsədi BMT-nin İqtisadi və Sosial Şurasında (ECOSOC) BAMF-in 4 illik fəaliyyəti ilə bağlı təqdim etdiyi hesabatın müzakirəsində və ECOSOC-un Sosial İnkişaf Komissiyasının 15-ci sessiyasında iştirak etməkdir. Bu barədə BAMF sədri U.Rəhimoğlu məlumat verib. Onun sözlərinə görə, BAMF-in hesabatının müzakirəsi zamanı BMT-nin QHT-lər bölməsinin rəhbəri Andrey Abramov sənədin mükəmməl hazırlandığını və bu səbəbdən də qəbul olunduğunu bildirib.

U.Rəhimoğlu A.Abramovdan bu sözləri eşitməyin onun üçün çox xoş olduğunu bildirib: “Əlbəttə, biz əvvəlcədən də əmin idik ki, hesabat BAMF-nın fəaliyyətini tam əks etdirdiyindən komitədə qəbul ediləcək. Bunu cənab Andrey Abramovdan eşitmək mənim üçün çox xoş oldu. Hələ 2007-ci ildən ECOSOC-un məşvərətçi statuslu üzvü olan BAMF tərəfindən keçən müddət ərzində bu istiqamətdə xeyli işlər görülüb. BAMF BMT-nin əksər nüfuzlu beynəlxalq tədbirlərində iştirak edib, müxtəlif müzakirələrə fəal qatılıb.
U.Rəhimoğlu sessiyada müxtəlif mövzularda müzakirələrin aparıldığını, 2014-cü ildə Beynəlxalq Ailə İlinin 20 illik yubileyinə hazırlıq və yubileyin keçirilməsi barədə, habelə inkişafın gündəliyində əlliliyin əsas məsələlərinə dair BMT-nin baş katibinin hesabatının dinlənildiyini də deyib.
BAMF sədri U.Rəhimoğlu və N.Nvolisa sözügedən sessiyada “Kasıbçılıq, Gənclərin işsizliyi” mövzusunda keçirilən tədbirdə yaxından iştirak ediblər. N.Nvolisa “Yerdəyişmə - Azərbaycan gəncləri arasında qeyri-bərabər imkanların və işsizlik səviyyəsinin yüksək olmasının əsas səbəbi kimi” movzusunda çıxış edib.
Qeyd edək ki, BAMF-in sədri U.Rəhimoğlu ötən il BMT-nin Cenevredə keçirilən yüksək səviyyəli toplantısında çıxış edib.
Xatırladaq ki, BAMF Azərbaycan QHT-ləri ilə BMT agentlikləri, o cümlədən ECOSOC-la yaxından əməkdaşlıq imkanlarının inkişaf etdirilməsi işini də koordinasiya edir.

Xəbər xidməti

296 dəfə baxılıb