ADNA-dan QOVULAN TƏLƏBƏ AKADEMİYANI MƏHKƏMƏYƏ VERİR

	10 fevral 2012


Onlayn ictimai-siyasi qəzet

Media

ADNA-dan QOVULAN TƏLƏBƏ AKADEMİYANI MƏHKƏMƏYƏ VERİR

2010-02-09

Elmin Bədəlovun hüquqlarını müdafiə komitəsi yaranacaq

Dünən Reportyorların Azadlıq və Təhlükəsizlik İnstitutunun (RATİ) mətbuat mərkəzində “Poliqon” İnformasiya Agentliyinin (pia.az) redaktoru Elmin Bədəlov təhsil aldığı Azərbaycan Dövlət Neft Akademiyasından (ADNA) yazdığı tənqidi məqalələrə görə bu ali məktəbdən xaric olunması ilə bağlı mətbuat konfransı keçirdi.

E.Bədəlov akademiyadan haqsız yerə qovulduğuna görə ADNA-nı məhkəməyə verəcəyini söylədi: “Mənim məsələmlə bağlı dəfələrlə Təhsil Nazirliyinə müraciət etmişik. ADNA-dan isə nazirliyə məlumat verilib ki, guya mən akademik borcuma görə xaric olunmuşam. Hamı gözəl bilir ki, belə deyil. Məni universitetlərdən hazırladığım reportaja görə xaric ediblər. Çünki o məqalədə oxuduğum akademiyadakı vəziyyəti də yazmışdım. Təhsil Nazirliyi isə şikayətimə baxmır. Qovulmağım haqda əmri də mənə vermirlər ki, məhkəməyə müraciət edim. Artıq məni hərbi xidmətə də çağırıblar. Bunu nəzərə alıb ADNA-nı məhkəməyə verməyə hazırlaşıram”.
Tədbirdə çıxış edənlər isə dedi ki, yaxın günlərdə E.Bədəlovun hüquqlarını müdafiə komitəsi yaranacaq.
Xatırladaq ki, ADNA-nın neft-mexanika fakültəsinin IV kurs tələbəsi E.Bədəlovun təhsil aldığı ali məktəbdən xaric olunması ilə bağlı əmr yanvarın 22-də verilib. Səbəb kimi isə E.Bədəlovun 3 imtahandan kəsildiyi göstərilib.

Fərahim İLQAROĞLU

1080 dəfə baxılıb