“YENİ MÜSAVAT” KİV-ə DƏSTƏK FONDUNA LAYİHƏ HAZIRLAYIR

	03 sentyabr 2010


Onlayn ictimai-siyasi qəzet

Media

“YENİ MÜSAVAT” KİV-ə DƏSTƏK FONDUNA LAYİHƏ HAZIRLAYIR

Ələsgər Süleymanov: “Ümidvaram ki, qalib gələcəyik”

“Yeni Müsavat” qəzeti Prezident yanında Kütləvi İnformasiya Vasitələrinin (KİV) İnkişafına Dövlət Dəstəyi Fondunun elan etdiyi müsabiqəyə layihə təqdim etməyə hazırlaşır. Bu barədə qəzetimizin baş direktoru Ələsgər Süleymanov məlumat verib. “Üzərində işlədiyimiz layihələr var. Budəfəki müsabiqənin şərtlərində dəyişiklik var, mövzular azaldılıb. Elan olunan 6 mövzu ilə bağlı araşdırmalar, müqayisələr aparırıq, sahələrdən birini seçib, bununla bağlı layihəni fonda təqdim edəcəyik. Ümidvaram ki, qalib gələcəyik”, deyə Ə.Süleymanov qeyd edib.

O, həmçinin vurğulayıb ki, qəzet fondun ötən il elan etdiyi müsabiqəyə də layihə təqdim edib və qalib gəlib: “”KİV-in fəaliyyətinə internet texnologiyaları tərəqqisinin tətbiqi" layihəsində qalib gəlmişdik. Onda bizə fond tərəfindən 12 min manat vəsait ayrılmışdı. Həmin vəsaitlə veb səhifəmizin yenidən qurulması və yeni dizaynda fəaliyyətini təmin etmişik. Nəticədə qəzetin elektron versiyasının təkmilləşmiş formasının dünyaya çıxışı reallaşıb. Bu, qəzetimizin çap formasını əldə edə bilməyən oxucularımıza yeni töhfə, informasiya almaq rahatlığı və eyni zamanda öz fikirlərini söyləmək imkanı verir. Hazırda saytımız fəaliyyət göstərir və yenilənmədən sonra saytın ziyarətçilərinin sayı iki dəfə artıb. musavat.com bu gün Azərbaycanda azərbaycandilli informasiya saytlarının içində öz birinciliyini qoruyur. Bununla bağlı sayğacları hər gün izləyirik, analiz edirik. Biz hədəfə çatmışıq".
Fondun icraçı direktoru Vüqar Səfərli isə “Yeni Müsavat”a bildirib ki, müsabiqəyə hələ layihə təqdim edilməyib: “Hələ martın 1-nə qədər vaxt var. Yəqin ki, layihələr olacaq. KİV-lərin və jurnalist təşkilatlarının layihələrinin maliyyələşdirilməsi məqsədilə 6 istiqamət üzrə müsabiqə elan edilib. Hər layihə üçün maksimum məbləğ 15 min manat müəyyən edilib. Hər istiqamət üzrə ən çox bal toplamış 5 layihə maliyyələşdiriləcək”.
Xatırladaq ki, KİV-ə Dövlət Dəstəyi Fondunun Müşahidə Şurasının yanvarın 19-da keçirilən iclasında 2010-cu ildə KİV-lərin və jurnalist təşkilatlarının layihələrinin maliyyələşdirilməsi ilə bağlı müsabiqənin keçirilməsi qərara alınıb. Müsabiqə martın 1-dək davam edəcək.

R.RƏFİYEVA

245 dəfə baxılıb

[03.09.2010] - SEÇKİ İLİNDƏ MƏTBUATI YENƏ TƏHLÜKƏLƏR GÖZLƏYİR?

[03.09.2010] - TELEKANALLARIN DA REKLAM BAZASI GENİŞLƏNDİRİLƏCƏK

[02.09.2010] - JURNALİSTLƏRİN PEŞƏ DAVRANIŞI QAYDALARI YENƏ MÜZAKİRƏ OLUNDU

[02.09.2010] - SAKİT, DƏNİZ MƏNZƏRƏLİ, FASİLƏSİZ İŞIQ, QAZ, SU...

[01.09.2010] - QARA PİAR ARTIB

[01.09.2010] - JURNALİSTLƏRİN BİNASININ TƏMƏLİ DEKABRDA QOYULACAQ

[01.09.2010] - JURNALİSTLƏR TƏZYİQƏ MƏRUZ QALDILAR

[01.09.2010] - “REKET” QƏZET YAP-ın BALANSINDA OLAN BİNADA YERLƏŞİR

[01.09.2010] - JURNALİSTLƏRİN PEŞƏ DAVRANIŞ QAYDALARI BARƏDƏ NÖVBƏTİ MÜZAKİRƏ KEÇİRİLƏCƏK

[31.08.2010] - PENİTENSİAR XİDMƏT KÖYNƏK QALMAQALINA MÜNASİBƏT BİLDİRDİ