HARAŞTİ RİŞXƏND ETDİ | Media

	12 fevral 2012


Onlayn ictimai-siyasi qəzet

Media

HARAŞTİ RİŞXƏND ETDİ

2010-03-10

Haraşti son 10 ildə ATƏT məkanında jurnalistlərin vəziyyətinin pisləşdiyini deyib: “Amma bundan əvvəlki 10 il yaxşı keçib, postsovet ölkələri ifadə azadlığı hüququ əldə ediblər və çox enerjili vətəndaş cəmiyyəti yaradıblar. Vətəndaş cəmiyyətinin hökumət qarşısında ciddi tələblər qaldıracaq qədər çox inkişaf edə bilməsi ümidverici amildir” ("Mediaforum").

“Əsas problemlər nədən ibarətdir” sualını cavablayan Haraşti üç məsələni - bir çox postsovet ölkələrində televiziyaların hökumətin nəzarəti altında olmasını, jurnalistlərə qarşı zorakılığın artmasını və interneti milli qanunlara uyğun tənzimləmək cəhdlərini önə çəkib.

6 illik fəaliyyətinə toxunan ATƏT rəsmisi deyib: “Hər bir qətlə yetirilən jurnalisti xatırladıqda uğurlu fəaliyyət barədə söhbət mənasız, hətta gülməli görünür. Amma nəticələrdən danışsaq, əvvəla, həyata keçirdiyimiz tədbirlərlə bir çox hallarda yox olma təhlükəsi ilə üzləşən jurnalistləri və KİV-i müdafiə etmək iqtidarındayıq. Bəzən jurnalistləri həbsdən azad edə və konkret yardım göstərə bilirik. Biz həmçinin bir sıra KİV haqqında qanunların bizim məsləhətlərimiz əsasında qəbul edilməsindən məmnunuq. Bu, cinayət məsuliyyətinin, inhisarçılığın ləğvi və qanunvericiliyin liberallaşdırılmasıdır”.

Haraşti müsahibədə həbsdə olan azərbaycanlı jurnalist Eynulla Fətullayevdən söz açıb: “Mən Azərbaycanda jurnalist araşdırmalarına görə siyasi motivlərlə azadlıqdan məhrum edilmiş Eynulla Fətullayevə baş çəkmişəm. O, əsassız böhtan, vergi ödənişindən yayınma və terrorla hədələmə ittihamları ilə həbs edilib. Mən həbsdə jurnalistə baş çəkdikdən sonra o, aclığı dayandırıb”.

“Vəzifənizdə sizi əvəz edəcək şəxs üçün hansı tövsiyələriniz var” sualını Haraşti belə cavablayıb: “Ünsiyyət üçün lazımi mexanizm tapılmalıdır - istər daxili yazışmalar, diplomatlarla qeyri-rəsmi danışıqlar, istər mətbuat konfransları, istər səfərlər olsun. Vəziyyəti yaxşıya doğru dəyişmək məqsədilə bu imkanlardan istifadə etmək lazımdır. Son 6 ildə ictimaiyyətə məlumat verilmədən bir çox işlər görülüb, çox şeyi qanun layihəsinin qəbulundan əvvəl yaxşılaşdırmaq mümkün olub”.

1263 dəfə baxılıb