VƏKİLLƏR EYNULLANIN İSTİNTAQ MATERİALLARI İLƏ TANIŞ OLUR

	13 fevral 2012


Onlayn ictimai-siyasi qəzet

Media

VƏKİLLƏR EYNULLANIN İSTİNTAQ MATERİALLARI İLƏ TANIŞ OLUR

2010-03-11

Avropa Məhkəməsi məhbus baş redaktorun işinə martın sonlarında baxacaq

“Yaxın günlərdə Eynulla Fətullayevə qarşı narkotik saxlamaq ittihamı üzrə istintaq materialları ilə tanış olacağıq. İbtidai istintaq yekunlaşıb, indi biz işlə tanış olmalı və onun konkret olaraq nədə ittiham olunduğunu öyrənməliyik. Bundan sonra istintaq hərəkətlərinə qiymət vermək olar”. Bu barədə “Turan”a həbsdə olan jurnalistin vəkili İsaxan Aşurov iki aylıq istintaqın başa çatması ilə bağlı şərh verərkən bildirib. Vəkil qeyd edib ki, yaxın 2-3 gündə işin materialları baxılması üçün Qaradağ Rayon Məhkəməsinə göndəriləcək.

Jurnalistin digər vəkili Elçin Sadıqov hesab edir ki, istintaq birtərəfli qaydada aparılıb. İttiham sifarişli ekpertiza rəyləri, öyrədilmiş şahidlər və onların ifadələri əsasında qurulub. Vəkil həmçinin bildirib ki, Avopa Məhkəməsində E.Fətullayevin işinə martın sonlarında baxılacaq.
Terrorla hədələmə ittihamı ilə 8,5 il azadlıqdan məhrumetmə cəzası çəkən “Realnıy Azerbaydjan” və “Gündəlik Azərbaycan” qəzetlərinin təsisçisi və baş redaktoru Eynulla Fətullayev narkotik saxlamaq ittihamı ilə 3 ilədək yeni azadlıqdan məhrumetmə cəzası ala bilər. Heroin 2009-cu il dekabrın 28-də jurnalistin saxlandığı cəzaçəkmə müəssisəsində onun əşyalarının arasından “tapılıb”. Yaxın günlərdə redaktorun işinə baxacaq Avropa İnsan Hüquqları Məhkəməsinin qərarı ilə onun həbsdən azad edilməsinə imkan verilməməsi üçün narkotik vasitənin əşyalarının arasına qəsdən qoyulduğunu hesab etməyə tutarlı əsaslar var.

Xəbər xidməti

421 dəfə baxılıb