HÜQUQ MÜDAFİƏÇİLƏRİ EYNULLA FƏTULLAYEVİN VALİDEYNLƏRİNƏ BAŞ ÇƏKİB

	13 fevral 2012


Onlayn ictimai-siyasi qəzet

Media

HÜQUQ MÜDAFİƏÇİLƏRİ EYNULLA FƏTULLAYEVİN VALİDEYNLƏRİNƏ BAŞ ÇƏKİB

2010-03-12

Emin Fətullayev: “Bizə dəstək olanların hamısına təşəkkür edirəm”

Dünən bir neçə hüquq müdafiəçisi həbsdəki jurnalist Eynulla Fətullayevin ailəsinə baş çəkib. Bu barədə “Yeni Müsavat”a məlumatı Eynulla Fətullayevin atası Emin Fətullayev verib.

O bildirib ki, görüş zamanı jurnalistin yaradıcılığına, medianın inkişafı üçün gördüyü işlərə də diqqət yönəldilib. “Novella Cəfəroğlu, Səidə Qocamanlı və Səadət Bənənyarlı bayram ərəfəsində bizim dərdimizə şərik olmaq, ürək-dirək vermək istədiklərini deyiblər. Bizə dəstək olan bütün hüquq müdafiəçilərinə təşəkkürümü bildirirəm”.
Emin Fətullayev qeyd edib ki, hüquq müdafiəçiləri E.Fətullayevin azadlığa buraxılacağına inandıqlarını vurğulayıblar. Emin Fətullayev isə həftə ərzində oğlu ilə görüşəcəyinə ümid etdiyini dilə gətirib.
Xatırladaq ki, “Gündəlik Azərbaycan” və “Realnıy Azərbaycan” qəzetlərinin təsisçisi və baş redaktoru Eynulla Fətullayevdən 2009-cu il dekabrın 29-da heroin götürülüb. Jurnalistə Cinayət Məcəlləsinin 234.1-ci maddəsi ilə (satiş məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) iş qaldırılıb. Bu maddə üç ilədək müddətə azadlıqdan məhrum etməni nəzərdə tutur. Eynulla Fətullayev terrora çağırış, milli ədavəti qızışdırma və vergidən yayınmada təqsirli bilinərək 8 il yarım azadlıqdan məhrum edilib.

R.RƏFİYEVA

401 dəfə baxılıb