QƏNİMƏT ZAHİD ƏFVƏ DÜŞƏCƏYİNİ GÖZLƏMİR

	13 fevral 2012


Onlayn ictimai-siyasi qəzet

Media

QƏNİMƏT ZAHİD ƏFVƏ DÜŞƏCƏYİNİ GÖZLƏMİR

2010-03-16

“Azadlıq” qəzetinin həbsdə olan baş redaktoru Qənimət Zahidin əfvlə bağlı gözləntisi yoxdur". Bu barədə dünən onunla görüşən həyat yoldaşı Ayəndə Mürsəliyeva məlumat verib. “Qənimətə əfvlə bağlı gedən müzakirələrdən danışdım. Bundan söz salanda, danışmaq istəmədiyini dedi. Onun əfvlə bağlı gözləntisi yoxdur, ona görə bu barədə danışmaq istəmir. İnanmır ki, əfv fərmanı ilə onu buraxalar”,- deyə A.Mürsəliyeva qeyd edib. Q.Zahidin həbsdən çıxmasına 1 il 8 ay qalıb.

Q. Zahidin səhhəti barədə danışan xanımı baş redaktorun ağrılarının azalmadığını qeyd edib: “Ağrılarını istisna etməklə, hər şey normaldır. Qənimətin hələ də ağrıları var. Özü də artıq danışmaq istəmir. Bilir ki, orada yüksək səviyyədə müalicəsi mümkün deyil”.
A.Mürsəliyeva Q.Zahidin boş vaxtlarında üçüncü dəfə Qurani-Kərimi oxuduğunu da söyləyib. Onun sözlərinə görə, növbəti görüş martın 22-də nəzərdə tutulsa da, ailəsi Novruz bayramına görə onunla martın 21-də görüşmək istəyir və bunun üçün müraciət edəcəklər.
Qeyd edək ki, Q.Zahidin müalicəsinə yanvarın 18-dən başlanıb. O, kəskin revmatizm ağrılarından əziyyət çəkir. Baş redaktor 2007-ci ilin noyabrında 4 il müddətinə azadlıqdan məhrum edilib. Xatırladaq ki, Q.Zahid 2007-ci ilin noyabrında 4 il müddətinə azadlıqdan məhrum edilib. O, Cinayət Məcəlləsinin 127-ci (qəsdən bədənə yüngül xəsarət yetirmə) və 221-ci (xuliqanlıq) maddəsi ilə ittiham edilib. 2009-cu il dekabrın 19-da isə 17 saylı cəzaçəkmə müəssisəsindən Penitensiar Xidmətin Müalicə Müəssisəsinə köçürülüb.

R.RƏFİYEVA

449 dəfə baxılıb