JURNALİSTLƏR PREZİDENTİN MƏTBUATA MÜNASİBƏTİNİ TƏQDİR EDİR

	13 fevral 2012


Onlayn ictimai-siyasi qəzet

Media

JURNALİSTLƏR PREZİDENTİN MƏTBUATA MÜNASİBƏTİNİ TƏQDİR EDİR

2010-07-24

Azərbaycan milli mətbuatının 135 illiyi ilə bağlı prezident tərəfindən təltif olunan jurnalistlər dövlət başçısının yubiley münasibətilə imzaladığı sərəncamları yüksək qiymətləndirib (APA).

“Əməkdar incəsənət işçisi” adı almış “525-ci qəzet”in redaktoru Yaşar Əliyev bütün jurnalistlər kimi son sərəncamlara münasibətinin müsbət olduğunu deyib. O, burada jurnalistlərin mənzil probleminin həlli ilə bağlı məsələnin xüsusi qeyd olunmasına ehtiyac görür: “Mətbuat Şurasının sədri Əflatun Amaşov bu məsələyə baxmağı günorta xahiş etmişdi, axşam artıq prezidentin fərmanı var idi. Prezident Administrasiyasının rəhbəri Ramiz Mehdiyev məsələnin müsbət həll olunduğunu və əməli işə keçdiyini bildirdi. Bu, çox müsbət və gözlənilməz idi. Azərbaycanda ən kasıb təbəqələrdən biri jurnalistlərdir. Onlar çox cüzi əmək haqqına bu ağır işdə işləyir. Bu gün jurnalistin öz vəsaiti ilə mənzil problemini həll etməsi qeyri-mümkündür. Jurnalist yeyib-içməsə, aldığı əmək haqqı ilə özünə 100 ilə bir otaqlı ev ala bilər. Bu mənada jurnalistlərə mütləq dövlət qayğısı olmalıdır. Bu məsələ deyəsən öz həllini tapmaq üzrədir”.
APA-nın baş direktoru Vüsalə Mahirqızı bildirib ki, bu sərəncamlar arasında jurnalistlərin sosial müdafiəsinin gücləndirilməsinə yönəlmiş, onların güzəştli şərtlərlə ev ala bilməsinə şərait yaradacaq sərəncam xüsusi qeyd edilməlidir: “Ən başlıcası prezident mətbuata zərər vuran, onun nüfuzunun aşağı düşməsində mühüm amil olan reket mətbuatla mübarizə, "Diffamasiya haqqında" qanunun qəbul olunması ilə bağlı öz dəstəyini nümayiş etdirdi. Dövlət başçısı reklam bazarı, jurnalistlərin sosial müdafiəsi ilə bağlı fikirlərini bildirdi və bununla bağlı Mətbuat Şurasından yeni təkliflər gözlədiyini dedi. Bəzi həmkarlarımızın Mətbuat Şurasına belə qınağı var ki, biz problemləri demirik, danışmırıq. Amma problemlər danışmaq yox, həll etmək üçündür. Təklifim budur ki, qarşıdakı 5 ildə mətbuatın müstəqil biznes sahəsinə çevrilməsinə çalışaq".
“Tərəqqi” medalı almış “Xalq Cəbhəsi” qəzetinin baş redaktoru Elçin Mirzəbəyli prezidentin imzaladığı sərəncamları mətbuatın inkişafına səbəb olacaq addımlar sayır. “Tərəqqi” medalı almış “Ekspress” qəzetinin baş redaktoru Qəzənfər Bayramov deyib ki, prezident jurnalistləri doğrudan da sevindirib: “Jurnalistlərin əksəriyyətinin mənzil problemi var və onlar kirayədə yaşayır”.
“Əməkdar mədəniyyət işçisi” fəxri adı almış Tofiq Abdin və “Tərəqqi” medalı almış “Bakı Xəbər” qəzetinin baş redaktoru Aydın Quliyev də bu sərəncamları müsbət qiymətləndirib. “Əməkdar jurnalist” fəxri adı alan BDU-nun jurnalistika fakültəsinin müəllimi Nəsir Əhmədli bildirib ki, o, jurnalistlərin mənzil probleminin həlli ilə bağlı ayrılan 5 milyon manatın daha böyük olmasını istəyir: “İstəyirəm ki, heç bir jurnalist evsiz qalmasın. Əgər jurnalistlərin ev şəraiti düzələcəksə, müəyyən dövlət yardımı alacaqlarsa, o zaman bu sərəncamlar mətbuatın inkişafına böyük kömək edəcək. Bu gün bizim mətbuatın əsas problemi iqtisadi problemdir. İqtisadi problem həll olunandan sonra qalan məsələlər də həll ediləcək”.
Mətbuat Şurasının sədri Əflatun Amaşov bildirib ki, Azərbaycan mətbuatında artıq yeni mərhələ başlayıb. Bu vaxta qədər mətbuata müəyyən yardımların olduğunu deyən Ə.Amaşov 2008-ci ildə KİV-ə dövlət dəstəyi konsepsiyası qəbul olunandan sonra dövlətin öz iqtisadi gücünü artırdıqca mətbuata yardımları intensivləşdirdiyini vurğulayıb: “Uzun onilliklər boyu evsiz qalan, bu problemi tez-tez müzakirəyə çıxaran və bu vaxta qədər heç nə əldə etməyən jurnalistlər üçün yeni əhval-ruhiyyə gətirdi”.

SEVİNC

579 dəfə baxılıb