“ŞİKAYƏTƏ BÖYÜK PALATADA BAXILMAYACAĞINA ƏMİNƏM”

	09 sentyabr 2010


Onlayn ictimai-siyasi qəzet

Media

“ŞİKAYƏTƏ BÖYÜK PALATADA BAXILMAYACAĞINA ƏMİNƏM”

Məhbus baş redaktor barəsindəki hökmdən iyulun 26-da şikayət veriləcək

“Dövlət ilk növbədə özünün təyin etdiyi hakimin qərarına hörmət etməlidir. Bilirsiniz ki, Avropa İnsan Hüquqları Məhkəməsi Eynulla Fətullayevin işi üzrə şikayətə baxarkən Azərbaycanı təmsil edən hakim Lətif Hüseynov 6 bənddən ibarət qərarın yalnız 1 bəndinə - Eynulla Fətullayevin dərhal azadlığa buraxılmasının əleyhinə səs verib.

Azərbaycan dövləti öz hakiminin lehinə səs verdiyi bəndlərin də ləğv olunmasını istəyir. Bu? ilk növbədə hakimin özünə hörmətsizlikdir” - bu sözləri qəzetimizə açıqlamasınnda “Gündəlik Azərbaycan” və “Realnıy Azerbaydjan” qəzetlərinin təsisçisi və baş redaktoru Eynulla Fətullayevin vəkililərindən biri Elçin Sadıqov deyib.
Vəkil Azərbaycan dövlətinin verdiyi şikayətin Böyük Palataya gedib çıxmayacağına əminliyini də vurğuladı: “Hesab edirəm ki, Azərbaycan dövlətinin iş üzrə verdiyi şikayət 5 nəfərlik komitədə baxılaraq rədd ediləcək. Şikayətə Böyük Palatada baxılmayacağına əminəm”.
“Ola bilər ki, Azərbaycan tərəfindən şikayəti hazırlayanlar Eynulla Fətullayevin işi üzrə çıxarılan qərarla tanış deyillər deyə belə bir şikayət gedib Avropa Məhkəməsinə çıxıb” sualına E.Sadıqov belə cavab verib: “İlk baxışdan belə təəssurat yaransa da, inanmıram ki, şikayət qərarla tanış olmadan hazırlanıb”. Vəkil şikayətə yaxın günlərdə baxılacağını da vurğuladı.
E.Fətullayevin barəsində Qaradağ Rayon Məhkəməsinin çıxardığı hökmdən şikayət verilib-verilməməsi ilə bağlı sualımıza cavab verən vəkil apelyasiya şikayətinin hazır olduğunu dedi: “Həftə sonu olduğundan şikayəti məhkəməyə həftənin əvvəli, iyulun 26-da təqdim edəcəyik”.
Avropa İnsan Hüquqları Məhkəməsi 2010-cu il aprelin 22-də Eynulla Fətullayevin bu iki iş üzrə Azərbaycan dövlətinə qarşı şikayətinə baxaraq ədalətli mühakimə hüququnun pozulduğunu tanıyıb, onun dərhal azadlığa buraxılmasını tələb edib, jurnalistə 25 min avro təzminat ödənilməsi haqda qərar qəbul edib.

E.QƏDİMOV

588 dəfə baxılıb

[09.09.2010] - NƏCƏF NƏCƏFOVLA ELMAR HÜSEYNOV ANILDI

[08.09.2010] - JURNALİSTLƏR SEÇKİYƏ HAZIRLAŞIR

[08.09.2010] - “XAN SARAYI”, YOXA ÇIXAN İPƏKLƏR VƏ ADAMLAR

[08.09.2010] - “AZƏRBAYCANDA SÖZ VƏ İFADƏ AZADLIĞINA DƏSTƏK” FORUMUNA START VERİLDİ

[08.09.2010] - 10 BEYNƏLXALQ TƏŞKİLAT EYNULLA İLƏ GÖRÜŞ İSTƏYİR

[08.09.2010] - BİR AYDA 44 FAKT...

[07.09.2010] - “BƏZİ HÖKUMƏTLƏR MƏTBUATIN ÖZÜNÜ TƏNZİMLƏMƏSİNİ ÖZÜNÜSENZURAYA ÇEVİRMƏK İSTƏYİRLƏR”

[07.09.2010] - BU GÜN EYNULLA FƏTULLAYEVİN MƏHKƏMƏSİDİR

[07.09.2010] - SÖZ VƏ İFADƏ AZADLIĞINA DƏSTƏK FORUMU İŞƏ BAŞLAYIR

[07.09.2010] - BƏZİ YAYIM FİRMALARI MƏHKƏMƏYƏ VERİLƏ BİLƏR