MƏTBUAT ŞURASINDA JURNALİSTLƏRİN PEŞƏ DAVRANIŞ QAYDALARI MÜZAKİRƏ OLUNDU

	13 fevral 2012


Onlayn ictimai-siyasi qəzet

Media

MƏTBUAT ŞURASINDA JURNALİSTLƏRİN PEŞƏ DAVRANIŞ QAYDALARI MÜZAKİRƏ OLUNDU

2010-08-31

Ekspertlər əlavə və dəyişikliklər barədə fikir mübadiləsi apardı

Dünən Azərbaycan Mətbuat Şurası və ATƏT-in Bakı ofisinin birgə layihəsi əsasında yaradılan işçi qrupun iclası keçirilib. Bu il avqustun 12-də yaradılan qrupun başlıca məqsədi Azərbaycan Jurnalistlərinin Peşə Davranışı Qaydalarına(AJPDQ) əlavə və dəyişikliklərlə bağlı avropalı ekspertlər tərəfindən irəli sürülən tövsiyələrin nəzərdən keçirilməsi və yekun müzakirəyə çıxarılmasıdır. Qrupun tərkibinə MŞ İdarə Heyətinin üzvləri, ATƏT-in Bakı ofisinin təmsilçisi və ölkənin tanınan, ictimai fikrə təsir göstərən KİV-lərinin rəhbərləri və media ekspertləri daxildir.

İclası MŞ sədri Əflatun Amaşov açaraq ötən müddətdə layihə çərçivəsində həyata keçirilən işlər barədə məlumat verib. Onun sözlərinə görə, qrup üzvlərinin təhlilləri və irəli sürdükləri fikirlər AJPDQ-nin daha təkmil variantının yekun müzakirəyə çıxarılması baxımından əhəmiyyətlidir.
İclasda AJPDQ-nin əsasən Â«İnformasiya qaynaqlarına sayğılı yanaşmaÂ», Â«Şərəf və ləyaqətin qorunması, şəxsi həyatın toxunulmazlığıÂ» və Â«Jurnalistin özünün və çalışdığı orqanın reputasiyasının qorunmasıÂ» prinsiplərinin bəndlərinə irəli sürülən əlavə və düzəlişlər müzakirə olunub. Bildirilib ki, sənədin yekun variantında təqsirsizlik prezumpsiyası, ictimai fiqurların tənqidi, yeniyetmə və gənclərlə bağlı məqamların işıqlandırılması və digər həssas məsələlərə xüsusi diqqət yetirilməlidir.
Qeyd edək ki, Mətbuat Şurasının ATƏT-in Bakı ofisi ilə birgə layihəsi AJPDQ-nin təkmilləşdirilməsini və paralel olaraq diffamasiya ilə bağlı qanunun qəbulunun sürətləndirilməsini nəzərdə tutur. Bu ilin martından reallaşdırılan layihə çərçivəsində sentyabr ayında beynəlxalq konfransın təşkili də planlaşdırılır.

Sevinc TELMANQIZI

305 dəfə baxılıb