JURNALİSTLƏRİN BİNASININ TƏMƏLİ DEKABRDA QOYULACAQ

	12 fevral 2012


Onlayn ictimai-siyasi qəzet

Media

JURNALİSTLƏRİN BİNASININ TƏMƏLİ DEKABRDA QOYULACAQ

2010-09-01

Vüqar Səfərli: “Evlərin balkonundan birbaşa dəniz mənzərəsi görünəcək”

Fondun özündən verilən məlumatlarda bu məqsəd üçün hər mərtəbədə 4-5 mənzil olmaqla bir 16 mərtəbəli binanın inşa ediləcəyi bildirilir.

Son gəlişmələri öyrənmək üçün fondun prezidenti Vüqar Səfərli ilə əlaqə saxladıq. V.Səfərli “Yeni Müsavat”a açıqlamasında bildirdi ki, tikiləcək bina üçün Bayıl qəsəbəsində ayrılan torpaq sahəsi üçün şifahi razılıq alınıb. Onun sözlərinə görə, 50 sot sahəsi olan torpağın fondun balansına keçməsi üçün edilən müraciət artıq lazımi instansiyalara göndərilib: “Bilirsiniz ki, sənədləşmə çox vaxt aparır. Dəqiq cavab veriləndən sonra tender elan ediləcək. Tikiləcək binanın eskizinin hazırlanması üçün gerçəkləşəcək tenderdən sonra binanın tikintisi üçün razılıq alınacaq. Daha sonra da digər mərhələlər həyata keçiriləcək. Layihələr təqdim olunacaq, komissiya layihələri dəyərləndirəcək. Elə təkcə tender mərhələsi 1-2 ay çəkir. Hesab edirəm ki, bu ilin dekabrına qədər təməlqoyma mərasimini keçirə biləcəyik və bütün jurnalistləri həmin mərasimə dəvət edəcəyik”.
Müsahibimiz dedi ki, bina üçün ayrılmış yer çox rahat, sərbəst ərazidədir. Onun sözlərinə görə, artıq ərazi buldozerlə təmizlənib, tikintiyə başlanılması üçün hazırdır: “Çox sakit bir yerdir. Yolun alt hissəsində ağaclar əkilib. O ərazidə yeni bir park da salınacaq. İndi də Bakının Baş Planına əsasən ora abadlaşdırılıb. Neftə aid bütün obyektlər oradan köçürülüb. Bina elə yerdə tikiləcək ki, onun balkonlarından birbaşa dəniz mənzərəsi görünəcək”.
V.Səfərlidən binanın tikiləcəyi ərazinin yaxınlığında nə kimi obyektlər olduğunu soruşduq. Müsahibimiz bildirdi ki, ora yaşayış massivi olduğundan ətrafda bütün məişət obyektlərini tapmaq mümkündür. Hətta şəhərin Baş Planına görə, gələcəkdə şəhərə girən yolun da Bayıldan keçməyəcəyi nəzərdə tutulub ki, bu da ərazinin səssizliyinə işarədir. “Ətrafda kitabxana varmı” sualına cavabda V.Səfərli “o həndəvərdə kitabxana da yaradacağıq” dedi.

Sevinc TELMANQIZI

447 dəfə baxılıb