VİCDAN MƏHBUSU ƏHƏD MƏMMƏDLİNİN HƏYATI TƏHLÜKƏDƏ

	23 may 2012


Onlayn ictimai-siyasi qəzet

Siyasət

VİCDAN MƏHBUSU ƏHƏD MƏMMƏDLİNİN HƏYATI TƏHLÜKƏDƏ

2012-02-07

Tural Abbaslının isə şikayəti yoxdur; yaxınları həbsdəki gənclərlə görüşüb

Yaxınları vicdan məhbusları Tural Abbaslı və Əhəd Məmmədli ilə görüşüb. Bu barədə “Yeni Müsavat”a məlumatı T.Abbaslının anası Başxanım Abbasova deyib. B.Abbasovanın sözlərinə görə, oğlunun ciddi narazılığı yoxdur: “Turalın şikayəti yoxdur. Hər kəsə salam göndərdi. Onu müdafiə edənlərə təşəkkürünü bildirdi. Eyni zamanda dünyanın ən nüfuzlu təşkilatı olan ”Amnesty İnternationalın" onlarla bağlı başlatdığı kampaniyaya görə təşkilata da minnətdarlığını bildirdi".

Ə.Məmmədlinin bibisi Ruqiyə Məmmədova isə bildirdi ki, vicdan məhbusunun saxlanıldığı 14 saylı cəzaçəkmə müəssisəsində vəziyyət acınacaqlıdır: “Əhədin saxlanma şəraiti ağırdır. Saxlandığı yerdə istilik sistemi yoxdur. Yer rütubətlidir, yataq dəstləri yaş vəziyyətdə olur. Məhbusların arasında vərəm xəstələri də var. Ventilyasiya sistemi də yoxdur. Əhədin çarpayısı pəncərənin qarşısında yerləşir. Pəncərənin də şüşələri qırıq olduğundan qar demək olar ki, Əhədin üstünə yağır. Buna görə də onun səhhətində problemlər başlayıb. Hətta Əhədə tibbi yardım da göstərilir. Əgər bu şəraitdə çox saxlanılsa, Əhədin səhhəti daha da ağırlaşacaq. Yorğan, döşəyi suyun içində idi. Hətta cəzaçəkmə müəssisəsində su problemi var. Məhbuslar qarı əridib su kimi istifadə edirlər. Son iki həftədə isə hamam işləməyib. Antisanitariya baş alıb gedir”.
Qeyd edək ki, Tural Abbaslı Müsavat Partiyası Gənclər Təşkilatının sədri, Əhəd Məmmədli onun müavinidir. Gənclər ötən il aprelin 2-də paytaxtın mərkəzində İctimai Palatanın keçirdiyi mitinqi zamanı həbs edilib. Beynəlxalq təşkilatlar onları vicdan məhbusu elan edib və hakimiyyəti gəncləri həbsdən azad etməyə çağırıblar.

Elmin BƏDƏLOV

362 dəfə baxılıb