RƏSUL QULİYEV GƏNC FƏALI ÖZÜNƏ MÜŞAVİR TƏYİN ETDİ

	23 may 2012


Onlayn ictimai-siyasi qəzet

Siyasət

RƏSUL QULİYEV GƏNC FƏALI ÖZÜNƏ MÜŞAVİR TƏYİN ETDİ

2012-02-08

Eks-spikerin təmsil olunduğu Demokratik Cəmiyyət Uğrunda Müqavimət Hərəkatı növbəti toplantı keçirib

Klassik Xalq Cəbhəsi Partiyasının qərargahında Demokratik Cəmiyyət Uğrunda Müqavimət Hərəkatı (DCUMH) İdarə Heyətinin növbəti yığıncağı keçirilib. Hərəkatın mətbuat xidmətindən verilən məlumata görə, toplantıda ölkə prezidenti İlham Əliyevin Almaniyada verdiyi telemüsahibə və siyasi məhbuslarla əlaqədar bəyanatlar qəbul olunub.

Bəyanatlarda bildirilir ki, Azərbaycanda siyasi və iqtisadi islahatlar keçirilməli, vətəndaşların sərbəst toplaşmaq hüququ təmin olunmalı, büdcədən maliyyələşən İctimai Televiziyada müxalif fikirli qüvvələrə efir vaxtı ayrılmalı, siyasi məhbuslar təcili surətdə azadlığa buraxılmalıdır.
Bu arada qurumda təmsil olunan ACP lideri, parlamentin sabiq spikeri, hazırda ABŞ-da yaşayan Rəsul Quliyev “El” Hərəkatının sədri Ağasif Şakiroğlunu özünə müşavir təyin edib. “Qafqazinfo”nun məlumatına görə, gənc fəal, A. Şakiroğlu eks-spiker R.Quliyevin Azərbaycandakı müşaviri təyin olunub.
A.Şakiroğlu bu məlumatı təsdiqləyib. O, göstərilən etimada görə R.Quliyevə minnətdarlıq edib: “Əminəm ki, yaxın vaxtlarda bu göstərilən etimadı Azərbaycan cəmiyyəti qarşısında da doğruldacağam”.
Qeyd edək ki, ötən ilin mayında bir qrup gənc “El” Hərəkatını yaratdıqlarını bəyan ediblər. Hərəkatın fəaliyyət istiqamətlərinə gəlincə, gənclər vətəndaşların ölkənin ictimai-siyasi həyatında fəallığını, vətəndaş cəmiyyətinin inkişafına yardım, vətəndaşları hüquqları uğrunda mübarizəyə cəlb etmək və s. yönlərdə çalışacaqlarını bildiriblər.

ETİBAR

6517 dəfə baxılıb