NEMƏT PƏNAHLININ QOHUMLARI SIXIŞDIRILIR

	23 may 2012


Onlayn ictimai-siyasi qəzet

Siyasət

NEMƏT PƏNAHLININ QOHUMLARI SIXIŞDIRILIR

2012-02-20

Partiya sədrinin bacısı oğlu polis bölməsinə aparılıb

Milli Dövlətçilik Partiyasının həbsdə olan sədri Nemət Pənahlının bacısı oğlu Ramin Bəylərov srağagün Nərimanov Rayon Polis İdarəsinin 5-ci bölməsinə aparılıb. Bu haqda redaksiyamıza N.Pənahlının həyat yoldaşı Həcər Pənahlı məlumat verdi. H.Pənahlı bildirdi ki, R.Bəylərov N.Pənahlının uzun müddətdir yataq xəstəsi olan anası Sara Pənahlını həkim müayinəsinə aparmalı imiş.

R.Bayramov dedi ki, onu polis bölməsinə “Elit” ticarət mərkəzinin qarşısında yerləşən maşın qarajının qarşısından aparıblar: “Həmin qarajda icarəyə verdiyimiz traktor var. Qarajın yanında qoymuşdum. Orda ”parkovka"nı qadağan edən işarə də yoxdur. Gəlib gördüm ki, polislər traktorun şinlərini buraxdırıblar. Aramızda narazılıq yarananda məni bölməyə apardılar".
R.Bəylərov dedi ki, bölmənin təhqiqatçısı Aqil Cəfərov onu şərləmək istəyib: “Dedi ki, üzünə adam qoyaram. Otaqdakı kompüteri göstərib, bunu sındırıb boynuna yazaram dedi”.
R.Bəylərov dedi ki, günün sonunda heç biz izahat olmadan onu sərbəst buraxıblar.
R.Bəylərov dayısına görə təzyiqlərə məruz qaldığı qənaətindədir: “Dayımgilə az-çox kömək edənlərdən biri də mənəm. Traktorun icarəsindən beş -on manat qazanırıq. Onu da kəsmək istəyirlər”.
Qeyd edək ki, N.Pənahli xuliqanlıq maddəsi ilə ittiham olunaraq, 6 il müddətinə azadlıqdan məhrum edilib.

Leyla İLQAR

1477 dəfə baxılıb