Siyasət MÜXALİFƏTİN BİRLİYİ BAŞ TUTMADI İlqar Məmmədov: “Düşərgənin kollektiv sifəti təzələnməli, çağdaş hala gətirilməlidir”

Müxalifət partiyalarının hamısının parlament seçkiləri ilə bağlı vahid birlik yaradacağı şübhə altına düşüb. Müsavat başqanı İsa Qəmbərin real müxalifət partiyalarının birliyinin yaradılması təklifinə “Azadlıq” blokundakı partiyalardan ALP-nin və VİP-in qarşı çıxması, bu partiyaların AXCP-yə təzyiq edərək Müsavatla yaxınlaşmasına imkan verməməsi birliyin yaranmayacağını deməyə əsas verir. Bu günlərdə AXCP sədri Əli Kərimliyə yaxın “Azadlıq” qəzetində İsa Qəmbərin təklifi əleyhinə kəskin yazılar dərc olunması isə belə qənaət yaradır ki, artıq AXCP ilə Müsavatın birliyinin reallaşmasını gözləməyə dəyməz.

Ehtimal etmək olar ki, Əli Kərimli Lalə Şövkətlə Əli Əliyevi buraxıb Müsavatla əməkdaşlıq etmək fikrində olmadığını özünə yaxın yazarlar vasitəsilə bildirir.
Əldə etdiyimiz məlumatlara görə, “Azadlıq” bloku ADP və Ümid Partiyası ilə sıx danışıqlardadır və yeni birliyin adı da müəyyənləşib. Başqa problem ortaya çıxmasa, “Demokratik Azərbaycan” adlanacaq blok seçkiyə birgə qatılacaq.
Müsavat Partiyası ətrafında da yeni seçki blokunun yaradılması planlaşdırılır. Xəbərlərə görə, “Müsavat-KXCP” Seçki İttifaqı adlanacaq yeni blokda ilkin olaraq Müsavat Partiyası, DUİ-yə daxil olan təşkilatlar və AMİP-in qatılması nəzərdə tutulub.
Lakin məsələ burasındadır ki, sözügedən hər iki blok yaransa da bu, müxalifətin birləşməsi demək olmayacaq. Müxalifət yenə də seçkiyə ən azı iki blokla gedəcək.
Bəs düşərgə niyə birləşə bilmir? Sualla müraciət etdiyimiz Respublikaçı Alternativ (REAL) Vətəndaş Birliyinin həmtəsisçisi İlqar Məmmədov bildirdi ki, müxalifətin kollektiv sifəti təzələnmədiyi üçün birlik mümkün olmur: “Majoritar seçki sistemində qalibiyyət üçün oxşar siyasi mövqeli adaylar mütləq birləşməlidir.  Bu, majoritar sistemin təbiətinin diqtəsidir.  Seçki islahatı hələ 2005-də müxalifət üçün gözəl fürsətlər açmışdı.  Amma Azərbaycan müxalifətinin o zamankı çox zəifləmiş və indiki daha da əzilmiş durumunda təkcə birləşmək yetərli deyil.  Onda heç də hamı bunu anlamadı, indi də görən azdır.  Yeni strateji yollar tapılmalıdır.  O cümlədən müxalifətin kollektiv sifəti təzələnməli, çağdaş hala gətirilməlidir.  ”Kimdir müxalifət" sualına tapdığı cavab seçicini ürkütməməlidir.  Əks təqdirdə, 2005-də seçicilərin 2/3-si evdə qaldısa, builki səsvermədə onların 80 faizi evdə oturacaq".
İlqar Məmmədov Respublikaçı Alternativin seçkidə azı 30-50 namizədlə çıxış edəcəyinin gözlənildiyini bildirdi: “REAL daha çox xaricdə gözəl təhsil almış, ölkəmizi biznes, akademik və sivil sahələrdə dünyada layiqincə təmsil edən, adı heç bir ”köhnə" işlərdə ləkələnməmiş, cümhuriyyətçilik ideallarına sadiq insanlardan ibarətdir.  Dediyim o “kollektiv sifət” baxımından bizə bərabərini görmürəm.  Bu, o demək deyil ki, başqa qurumlarla əməkdaşlıq mümkün deyil.  Amma bu əməkdaşlıq yalnız elə qurulacaq ki, bizi istəyən vətəndaşlar bizdən üz döndərməsinlər".

Etibar SEYİDAĞA

321 dəfə baxılıb

[13.03.2010] - MÜXALİFƏT DÜŞƏRGƏSİNDƏ CİDDİ HƏRƏKƏTLİLİK

[13.03.2010] - ÜÇ MÜXALİFƏT LİDERİ, 2 GÖRÜŞ...

[13.03.2010] - SƏRDAR CƏLALOĞLU MÜSAVAT FUNKSİONERLƏRİNİ ƏRƏBƏ BƏNZƏTDİ

[13.03.2010] - HARADASAN, AZƏRBAYCAN MÜXALİFƏTİ...

[13.03.2010] - RƏSUL QULİYEV İNTERPOLUN RƏİSİNƏ CAVAB VERDİ

[13.03.2010] - MÜXALİFƏT İLHAM ƏLİYEVİ İSTEFAYA GÖNDƏRƏ BİLƏCƏKMİ?

[12.03.2010] - İSA QƏMBƏR MİTİNQLƏR ÜÇÜN YER TƏLƏB ETDİ

[12.03.2010] - DEPUTATLAR HESABATI TƏZYIQ VASITƏSI SAYIRLAR

[12.03.2010] - HAKİMİYYƏTDƏN MÜXALİFƏTİN İSTEFA TƏLƏBİNƏ REAKSİYA GƏLDİ

[12.03.2010] - MÜSAVATIN RAYON TƏŞKİLATLARI AYAĞA QALXDI

[12.03.2010] - ATƏT SƏFİRİ FAZİL MUSTAFANIN PARTİYASINA GƏLDİ

[12.03.2010] - MÜSAVATI TƏKLƏMƏK PLANI İŞƏ SALINIB

[12.03.2010] - MÜSAVAT FƏALININ OĞLUNUN QƏTLİ ARAŞDIRILIR

[12.03.2010] - SİYASİLƏR TONQALA “İSTİ” YANAŞIR

[11.03.2010] - ŞEYX QAREGİNİN BAKIYA GƏLMƏSİNİ İSTƏYİR

[11.03.2010] - HÜSEYNBALA MİRƏLƏMOV DA ADINI “QARA SİYAHI”ya YAZDIRDI

[11.03.2010] - AMİP-dən “AZADLIQ” BLOKUNA SƏRT İTTİHAMLAR

[11.03.2010] - DUİ ABŞ-ın ANTİTÜRK MÖVQEYİNİ PİSLƏYİR

[11.03.2010] - “AZADLIQ” BLOKU ADP-ni VƏ ÜMİD PARTİYASINI ÖZ ÇƏTİRİ ALTINA ÇƏKİB

[11.03.2010] - DEPUTAT OLMAQ İSTƏYƏN YAP-çılar, “ƏLİNİZ CİBİNİZDƏ OLSUN”!

ARXIV