PARTİYALAR KÜTLƏVİ AKSİYA KEÇİRMƏYƏ TƏLƏSMİR

	16 mart 2010


Onlayn ictimai-siyasi qəzet

Siyasət

PARTİYALAR KÜTLƏVİ AKSİYA KEÇİRMƏYƏ TƏLƏSMİR

Meriyanın mitinqlər üçün ayırdığı yerlər isə yararsız hesab olunur

2010-cu ilin parlament seçkiləri ili olması kütləvi aksiyalar mövzusunu da aktuallaşdırıb. Müsavat Məclisinin ötən toplantısında Müsavat başqanı İsa Qəmbər 2010-cu ildə kütləvi aksiyaların gündəmə gələcəyini bildirmişdi. Amma hələ ki, müxalifət mitinq keçirəcəyi haqda hər hansı açıqlama verməyə tələsmir. Hakimiyyət müxalifətin aksiya planlarına ciddi əngəllər törədir. Nazirlər Kabinetinin 234 saylı qərarı ilə bir sıra inzibati binaların kütləvi toplantıların keçirilməsi qadağan edilib.

Mərkəzi icra hakimiyyəti orqanları, Dövlət Gömrük Komitəsi, Xüsusi Dövlət Mühafizə, Dövlət Sərhəd və Dövlət Miqrasiya xidmətlərinin, Daxili İşlər, Müdafiə, Ədliyyə, Fövqəladə Hallar, Milli Təhlükəsizlik, Müdafiə Sənayesi, Vergilər, Maliyyə və Xarici İşlər nazirliklərinin inzibati binaları ətrafında mitinq keçirmək qadağan edilib.
Bakı Şəhər İcra Hakimiyyəti 2006-cı ildə müəyyənləşdirdiyi 5 meydanda yığıncaq, mitinq, nümayiş, küçə yürüşlərinin keçirilməsi üçün yerlər ayırıb. Bunlar Səbayel rayonunda “Neftçilər” İdman Sağlamlıq Mərkəzinin Bibiheybətdəki stadionu, Nizamidə Rüstəm Rüstəmov küçəsindən Heydər Əliyev adına Bakı Neft Emalı Zavoduna doğru gedən yoldakı meydan, Xətaidə Ukrayna meydanı, Suraxanıda “Neftçi” İdman Sağlamlıq Mərkəzinin Tofiq İsmayılov adına stadionudur.
Küçə yürüşləri üçün marşrutlar bunlardır: Nizamidə metronun “Neftçilər” stansiyası yanından (Dakar meydanından) başlayaraq R.Rüstəmov küçəsindən keçməklə Bakı Neft Emalı Zavodunun yaxınlığındakı meydana qədər (məsafə 1600 metr), Xətaidə metronun “Həzi Aslanov” stansiyasının yanından başlayaraq M.Hadi kuçəsindən keçməklə Ukrayna meydanınadək (1200 metr), Suraxanıda Səttar Bəhlulzadə adına meydandan Tofiq İsmayılov adına stadionunadək (1000 metr).
Qeyd edək ki, müxalifət meriyanın ayırdığı meydanlarda, eləcə də Ukrayna meydanında mitinq keçirmək üçün müraciət etsə də BŞHİ-dən müsbət cavab almayıb.
Mövzu ilə bağlı rəyini soruşduğumuz Müsavat başqanının müavini Mehman Cavadoğlu mitinqlərin keçiriləcəyini, bu haqda müzakirələrdən sonra qərar veriləcəyini söylədi.
KXCP sədrinin təşkilat məsələləri üzrə müavini Xəzər Teyyublu isə dedi ki, BŞİH-in ayırdığı yerlərdən yalnız Ukrayna meydanını mitinq üçün məqbul saymaq olar: “Qalan yerlər yararsız vəziyyətdədir. Mitinq üçün ayrılan yerlər siyasi təşkilatların toplaşa biləcəyi və əhalinin gələ biləcəyi məkanlarda olmalıdır. Meriya yararsız yerlər ayırmaqla müxalifətin mitinq keçirməsini əngəlləyir. 1998-ci ildə meriya ”Motodrom"da mitinq keçirməyə icazə verdi. Amma o zaman ölkədə siyasi aktivlik var idi. İnsanları həmin yerə toplamaq mümkün oldu. 2010-cu ilin seçki kampaniyalarının özü elə kütləvi tədbirlər olacaq. Vaxtaşırı kütləvi aksiyalara müraciət edəcəyik. Lazım gəlsə, bu məsələ partiyada müzakirə olunacaq".

Leyla İLQAR

170 dəfə baxılıb

[15.03.2010] - “İSA QƏMBƏR BAŞQANLIQDAN GETMƏSİN!”

[15.03.2010] - DUİ ILƏ MÜSAVAT ARASINDA MÜZAKIRƏLƏR APARILACAQ

[15.03.2010] - “AZADLIQ” BLOKU ADP-DƏN CAVAB GÖZLƏYİR

[15.03.2010] - ATƏT PA SƏDRİ BAKIDA GÖRÜŞLƏR KEÇİRİR

[15.03.2010] - MİLLİ MƏCLİSƏ SEÇKİLƏRLƏ BAĞLI İLGİNC MƏLUMAT

[15.03.2010] - MÜXALİFƏT DÜŞƏRGƏSİNDƏ QAYNAŞMA VAR AMMA...

[15.03.2010] - MÜSAVAT BAYRAMADƏK KÜTLƏVİ AKSİYANI KEÇİRMƏK İSTƏYİR

[14.03.2010] - MÜSAVATIN RAYON TƏŞKİLATLARI MİTİNQ QƏRARINI DƏSTƏKLƏDİ

[14.03.2010] - MÜXALİFƏT ƏLİ HƏSƏNOVUN DEDİKLƏRİNİ FƏRQLİ QARŞILADI

[14.03.2010] - SƏRDAR CƏLALOĞLU RƏSUL QULİYEVİ ALQIŞLADI