SİYASƏTÇİLƏRİN REYTİNQ SORĞUSU BƏRPA EDİLƏ BİLƏR

	30 iyul 2010


Onlayn ictimai-siyasi qəzet

Siyasət

SİYASƏTÇİLƏRİN REYTİNQ SORĞUSU BƏRPA EDİLƏ BİLƏR

Mehman Əliyev problemi müxalifətin passivliyində görür

Ölkə siyasətçilərinin reytinqini müəyyən etmək məqsədilə “Turan” İnformasiya Agentliyi tərəfindən hər il keçirilən sorğu üç ildir ki, dayandırılıb. Qeyd edək ki, siyasətçilərin fəallıq reytinqi kimi qəbul edilən sorğunun açıqlanmasını həm ictimaiyyət, həm də siyasətçilərin özləri səbirsizliklə gözləyirdilər. Hətta siyahıda kimin birinci olacağı, kimin ilk onluğa düşəcəyi də maraqlı idi. 2010-cu il ölkədə parlament seçkisi ili olduğundan, il ərzində siyasi fəallığın yüksələcəyi gözlənilir. Bu səbəbdən həmin sorğu yenidən bərpa edilə bilərmi?

“Turan” İnformasiya Agentliyinin direktoru Mehman Əliyev bildirir ki, sözügedən sorğunun dayandırılmasına səbəb “Turan” İnformasiya Agentliyinin analitik xidmətinə rəhbərlik edən professor Həsən Quliyevin 2008-ci ildə dünyasını dəyişməsidir: “Bu işlə Həsən Quliyev məşğul idi və o, rəhmətə gedəndən sonra sorğunu dayandırdıq. 1993-1994-cü ildən keçirirdik”. Sorğunun bərpa edilib-edilməməsinə gəldikdə isə, M.Əliyev qeyd edib ki, bu barədə fikirləşəcəklər. O, siyasətçilərlə bağlı agentlik tərəfindən ictimaiyyətə açıqlanmayan hər hansı sorğunun da keçirilmədiyini vurğulayıb. Onun sözlərinə görə, müxalifət passivlik nümayiş etdirdiyindən, buna ehtiyac duyulmur. M.Əliyevə görə, sorğu keçirilən illərdə müxalifət siyasətdə kifayət qədər aktiv olduğundan, sorğuya da maraq böyük olub: “Son illərdə isə müxalifət düşərgəsində çox böyük passivlik var. Hakimiyyət öz resurslarından istifadə edərək istədiyini edir, reytinqini müəyyənləşdirir. Bu səbəbdən indi ölkə siyasətçilərinin reytinqini müəyyənləşdirmək də bir az çətindir”.
Qeyd edək ki, sözügedən sorğunu keçirən Həsən Quliyev “Turan” İnformasiya Agentliyinin analitik xidmətinə 15 il müddətinə rəhbərlik edib. O, bundan əvvəl - 1992-1993-cü illərdə isə Prezident Aparatında analitik xidmətin rəhbəri olub. Onun çoxsaylı politoloji mövzuda 50-dən çox məqalələri çapdan çıxıb. Həmçinin fəlsəfə tarixinə, elmin, mədəniyyətin metodologiyasına, o cümlədən Azərbaycan xalqının mentalitetinə həsr olunan 70-dən artıq məqalənin müəllifidir.

R.RƏFİYEVA

297 dəfə baxılıb

[29.07.2010] - XALİQ BAHADIR AXCP RƏHBƏRLİYİNİ İTTİHAM ETDİ

[29.07.2010] - MİRMAHMUD MİRƏLİOĞLU AXCP-yə CAVAB VERDİ

[29.07.2010] - HÖKUMƏT ƏLİ ƏLİYEVİN PARTİYASINA 105 MİN MANAT VERİB

[29.07.2010] - MERİYA MÜSAVATIN MİTİNQİNƏ YENƏ İCAZƏ VERMƏDİ

[29.07.2010] - MÜXALİFƏT DÜŞƏRGƏSİNDƏ YENİ BİRLİK YARANIR

[29.07.2010] - ASƏF KƏRİMOV AXCP-dən NİYƏ GEDİB?

[29.07.2010] - AMİP-ə DAHA IKI GURULTULU TRANSFER OLACAQ

[28.07.2010] - AXCP DUİ-nin BİRLİKDƏ OLMASINA QARŞIDI

[28.07.2010] - BU İSTİDƏ QALSTUKDAN İMTİNA EDƏKMİ?

[28.07.2010] - YAP-da SEÇKİ KÜLƏYİ BAŞLAYIB