Siyasət MÜSAVATIN İLKİN NAMİZƏDLƏR SİYAHISI HAZIRDIR “Hansı seçki dairəsində bizim müəyyən etdiyimiz namizəddən daha güclüsü olsa, onu müdafiə edəcəyik”

Müsavat Partiyasının parlament seçkilərində irəli sürəcəyi namizədlərinin ilkin siyahısı artıq hazırdır. Bu barədə Müsavat Partiyası Mərkəzi İcra Aparatının rəhbəri Arif Hacılı əməkdaşımıza açıqlamasında bildirib. A.Hacılı mümkün olan bütün namizədlərin siyahısını tutduqlarını deyib: “Elə seçki dairələri var ki, orada bir və daha artıq mümkün namizədin adı yazılıb. Eyni zamanda elə namizədlərimiz var ki, onların adları bir neçə dairədə göstərilib. Tədricən biz hər dairədən bir namizəd müəyyənləşdirmək niyyətindəyik. Bilirsiniz ki, Müsavat Partiyasının başqanı İsa Qəmbər hər seçki dairəsindən güclü namizəd ideyasını irəli sürüb.

Ona görə də biz namizədlərimizin siyahısını hər dairə üzrə tam şəkildə müəyyənləşdikdən sonra digər siyasi partiyalardan, bitərəflərdən ibarət olan ictimai-siyasi xadimlərin, ayrı-ayrı ziyalıların iddiaları ilə maraqlanacağıq. Əgər hansı seçki dairəsində bizim müəyyən etdiyimiz namizəddən daha güclü namizəd ortalığa çıxacaqsa, biz həmin namizədləri müdafiə edəcəyik”.
“125 dairənin hamısından Müsavatın namizədi olacaqmı” sualına cavabında A.Hacılı dedi ki, artıq 100-dən çox dairədən bir və daha artıq namizəd müəyyənləşib: “125 dairədən olmasa da dairələrin mütləq əksəriyyətindən öz namizədliklərini irəli sürmək niyyətində olan kifayət qədər nüfuzlu, güclü namizədlərimiz olacaq”.
A.Hacılı Müsavatın namizədlərinin qalib gələcəyinə əmin olduğunu bildirdi: “Bilirsiniz ki, 2005-ci il parlament seçkilərində Müsavat ”Azadlıq" blokunda koalisiya şəklində iştirak edirdi. Biz koalisiyada olduğumuz üçün yalnız 41 seçki dairəsindən öz namizədlərimizi irəli sürmüşdük. Onların 30-dan çoxu millət vəkili seçilmişdi. Bunu təsdiq edən sənədlər var. Bütün dairələrdən Müsavat namizəd irəli sürsəydi, əksəriyyətində qalib gəlmək imkanı var idi. Yəni söhbət demokratik seçkilərin keçiriləcəyi şəraitdən gedir. Müsavatın cəmiyyətdə nüfuzu var, həmçinin partiyanın sıralarında təcrübəli siyasətçilər, dövlət xadimləri, müxtəlif dövrlərdə millət vəkili olmuş, yüksək vəzifələrdə çalışmış çoxlu sayda insanlar var. Bu faktorlar onu deməyə əsas verir ki, əgər minimum demokratik seçki şəraiti olarsa, Müsavat Partiyasının builki seçkilərdə əksəriyyət dairələrdə qalib gəlmək şansı var".

Etibar SEYİDAĞA

1317 dəfə baxılıb

[29.07.2010] - XALİQ BAHADIR AXCP RƏHBƏRLİYİNİ İTTİHAM ETDİ

[29.07.2010] - MİRMAHMUD MİRƏLİOĞLU AXCP-yə CAVAB VERDİ

[29.07.2010] - HÖKUMƏT ƏLİ ƏLİYEVİN PARTİYASINA 105 MİN MANAT VERİB

[29.07.2010] - MERİYA MÜSAVATIN MİTİNQİNƏ YENƏ İCAZƏ VERMƏDİ

[29.07.2010] - MÜXALİFƏT DÜŞƏRGƏSİNDƏ YENİ BİRLİK YARANIR

[29.07.2010] - ASƏF KƏRİMOV AXCP-dən NİYƏ GEDİB?

[29.07.2010] - AMİP-ə DAHA IKI GURULTULU TRANSFER OLACAQ

[28.07.2010] - AXCP DUİ-nin BİRLİKDƏ OLMASINA QARŞIDI

[28.07.2010] - BU İSTİDƏ QALSTUKDAN İMTİNA EDƏKMİ?

[28.07.2010] - YAP-da SEÇKİ KÜLƏYİ BAŞLAYIB

[28.07.2010] - MÜSAVATIN SƏDRLƏR ŞURASI DİVANIN QƏRARINA ETİRAZ ETDİ

[27.07.2010] - MÜXALİFƏT İQTİDARDAN MİTİNQ MEYDANI İSTƏDİ

[27.07.2010] - AXCP MÜSAVATLA BİRLƏŞMƏ QƏRARINI AVQUSTDA VERƏCƏK

[27.07.2010] - MSK-dan “FACEBOOK”da TƏBLİĞAT APARANLARA XƏBƏRDARLIQ

[27.07.2010] - ŞƏMKİRDƏ MÜSAVATÇILARLA CƏBHƏÇİLƏR BİRLƏŞDİ

[27.07.2010] - TAPDIQ ABBAS MÜSAVATDAN ÇIXARILMADI

[26.07.2010] - İSA QƏMBƏRLƏ ƏLİ KƏRİMLİ ARASINDA FİKİR AYRILIĞI?

[25.07.2010] - MÜSAVATDA BİRLƏŞMƏYƏ MÜQAVİMƏT VAR?

[25.07.2010] - TAPDIQ ABBAS MÜSAVATDAKI RƏQİBLƏRİNƏ BARMAQ SİLKƏLƏDİ

[25.07.2010] - YAP-da ƏNƏNƏVİ “TƏZƏ-KÖHNƏ” DAVASI BAŞLAYIB

ARXIV