VASİF TALIBOVDAN ŞOK “DEMOKRATİYA” MÜŞAVİRƏSİ

	03 sentyabr 2010


Onlayn ictimai-siyasi qəzet

Siyasət

VASİF TALIBOVDAN ŞOK “DEMOKRATİYA” MÜŞAVİRƏSİ

MR rəhbəri nazirlərinə möhkəm təpinib

Xəbər verildiyi kimi, ötən ayın sonunda ATƏT-in Bakı ofisinin rəhbəri Əli Bilge Cankorel və ofisin qanunun aliliyi şöbəsinin rəhbəri Monika Martinez Naxçıvan Muxtar Respublikasına iki günlük səfər edib. Səfər çərçivəsində qonaqlar Naxçıvan Muxtar Respublikası Ali Məclisinin sədri Vasif Talıbovla, muxtar respublika daxili işlər naziri, muxtar respublika ədliyyə naziri, muxtar respublika Ombudsman Aparatının rəhbəri, eləcə də bir sıra dövlət orqanlarında görüşlər keçiriblər. Görüşlər zamanı muxtar respublikada insan haqlarının vəziyyəti və ATƏT-n gələcəkdə muxtar respublikada həyata keçirməyə planlaşdırdığı layihələr müzakirə olunub.

Bundan sonra qonaqlar Naxçıvandakı bölgə müxbirləri - Həkimeldostu Mehdiyev və Elman Abbasovla, habelə Naxçıvan Demokratiya və QHT-lərin İnkişaf Resurs Mərkəzinin əməkdaşları ilə görüşüblər. Görüş zamanı muxtar respublikada insan haqlarının vəziyyəti, ATƏT-in gələcəkdə Naxçıvanda icra etməsi nəzərdə tutulan layihələr və son dövrlər Naxçıvan Demokratiya və QHT-lərin İnkişaf Resurs Mərkəzinə olunan hücum və təşkilatda başlanmış vergi yoxlamaları müzakirə olunub.
Dünən bölgədən aldığımız məlumata görə, Naxçıvan Muxtar Respublikası (MR) Ali Məclisində müşavirə keçirilib. Müşavirəni Naxçıvan MR Ali Məclisinin sədri Vasif Talıbov açıb. Daha sonra Naxçıvan MR İqtisadi inkişaf, Vergilər, Maliyyə və digər əlaqədar nazirlik və komitə rəhbərləri çıxış ediblər.
Ali Məclisin sədri müşavirədə çıxış edərək daxili bazarın qorunması, yerli istehsalın təşkili, tələbatın yerli məhsullar hesabına ödənilməsi, məhsulun keyfiyyətinə nəzarət, süni qiymət artımının qarşısının alınması məsələlərinə toxunub. Amma bu çıxış cəmi 5 dəqiqə çəkib. Sonra Talıbov daha kəskin notlarla nazirlərin və komitə sədrlərinin üstünə təpinib. O, açıq tekstlə çıxış edərək bildirib ki, yuxarıdan-yəni mərkəzi Bakıdan onun üstünə gəlirlər. Və bundan sonra çalışmaq lazımdır ki, hər hansı bir instansiyadan Bakıya və ilk növbədə mətbuata informasiya getməsin. Müşavirəyə yekun vuran Ali Məclisin sədri daxili bazarın ucuz və keyfiyyətsiz məhsullardan qorunması, yerli xammal əsasında işləyən emal müəssisələrinin yaradılması, iqtisadi fəaliyyət sahələrində həyata keçirilən maliyyə əməliyyatlarının nağdsız hesablaşmalarla həyata keçirilməsi, işəgötürənlər və işçilər arasında əmək müqavilələrinin bağlanması və bütün növ mal və materialların qiymətlərinin nəzarətdə saxlanması ilə əlaqədar aidiyyəti təşkilatlara müvafiq tapşırıqlar verib.
Maraqlıdır ki, yerli Gömrük Komitəsinə də tapşırıq verib ki, Türkiyədən Naxçıvana ərzaq gətirən insanları heç kim incitməsin.

Sənan SEYİDBƏYLİ

2687 dəfə baxılıb

[03.09.2010] - ALP İLƏ VİP-in BLOKUNA AD QOYULDU

[03.09.2010] - SABAH MÜSAVAT MƏCLİSİNİN İCLASINDA MÜHÜM QƏRARLAR VERİLƏCƏK

[02.09.2010] - MÜBAHİSƏLİ DAİRƏLƏRLƏ BAĞLI QƏRARI İKİ LİDER VERƏ BİLƏR

[01.09.2010] - ŞƏKİ MÜSAVATÇILARI ADİL QEYBULLANIN MÜDAFİƏSİNƏ QALXDI

[01.09.2010] - RAZILAŞDIRILMIŞ DAİRƏLƏRİN SAYI 80-ə ÇATDI

[01.09.2010] - ƏLİ ƏLİYEV “XAİN” ELAN ETDİYİ GƏNCİ PARTİYAYA QAYTARIB

[01.09.2010] - ETİBAR MƏMMƏDOV HƏLƏ SON QƏRAR VERMƏYİB

[01.09.2010] - ZİYA MƏMMƏDOVUN MALİYYƏLƏŞDİRDİYİ BLOK HANSIDIR?

[31.08.2010] - 17 SAYLI YASAMAL DAİRƏSİNDƏ GƏRGİN MÜBARİZƏ BAŞLAYIB

[31.08.2010] - FƏZAİL AĞAMALI DA DAİRƏSİNİ AÇIQLADI