DUİ HÖKUMƏTDƏN HESABAT TƏLƏB EDİR | Siyasət

	09 fevral 2012


Onlayn ictimai-siyasi qəzet

Siyasət

DUİ HÖKUMƏTDƏN HESABAT TƏLƏB EDİR

2010-02-09

Pənah Hüseynin təklifi qəbul olunmadı

Dünən beş partiyanın təmsil olunduğu Demokratiya Uğrunda İttifaqın Sədrlər Şurasının iclası keçirilib. İclasda qar yağmasından sonra ölkədə enerji və yolların vəziyyəti sahəsində ortaya çıxan rəzalət və digər məsələlər müzakirə olunub. Bu barədə DUİ Sədrlər Şurasının üzvü Əhməd Oruc məlumat verdi: “Hökumətin adi bir fövqəladə vəziyyətə hazır olmadığı çılpaqlığı ilə ortaya çıxdı. DUİ hesab edir ki, Azərbaycan hökumətinin istənilən fövqəladə vəziyyətə hazır olduğu haqda bəyanatları tamamilə yalan və xalqı aldatmaqdır. Ayrılmış yüz milyonlarla vəsaiti mənimsədikləri üçün adi bir qar yağıntısının törətdiyi fəsadları aradan qaldıra bilmədilər. DUİ hökumətdən bu rəzalətlə bağlı xalqa hesabat verməyi tələb edir”.

"KİV haqqında" Qanuna hakimiyyətin dəyişiklik etməyə hazırlaşması da DUİ rəhbərliyinin müzakirə mövzusu olub. Ə.Orucun dediyinə görə, DUİ hakimiyyətin belə bir dəyişiklik etməsinin ölkədə mətbuat azadlığına zərbə olacağını bəyan edib: “DUİ hakimiyyətdən bu qanun layihəsinin Milli Məclisdə müzakirəyə çıxarılmadan geri çəkilməsini tələb edib”.
Ə.Oruc qeyd etdi ki, DUİ Sədrlər Şurası Pənah Hüseynin təklifini qəbul etməyib: “DUİ-nin bir təklifi var idi ki, ”Azadlıq" bloku, Müsavat və DUİ-yə daxil olan partiyaların birliklə bağlı konfransının keçirilməsi təklifi var idi. Bu istiqamətdə Mirmahmud Mirəlioğlu və Elşad Musayev DUİ adından İsa Qəmbərlə və “Azadlıq” blokunun liderləri ilə görüşmüşdü. Təklifi şəxsən həmin siyasi liderlərə çatdırmışdılar. Xeyli keçməsinə baxmayaraq, hər hansı cavab verilməyib. Ona görə də Pənah Hüseyn iclasda təklif etdi ki, DUİ həmin təklifini rəsmən geri çəksin. Sədrlər Şurası məsələni müzakirə çıxardı və Pənah bəyin təklifi qəbul olunmadı".
Fevralın sonu, martın əvvəli parlament seçkilərinə hazırlıq, o cümlədən ilkin namizədlərin müəyyən edilməsi ilə bağlı DUİ-yə daxil olan partiyaların rəhbərliyinin müşavirəsinin keçirilməsi barədə qərar qəbul olunub.

ETİBAR

724 dəfə baxılıb