Siyasət “SEÇKİLƏRDƏ AZI 100 DAİRƏDƏN NAMİZƏD VERMƏLİYİK” 2010-03-08 Arif Paşa İqbal Ağazadənin müavini oldu

Dünən Ümid Partiyası Ali Məclisinin növbəti toplantısı keçirilib. Toplantını açıq elan edən Ümid Partiyası Ali Məclisinin sədri Ənvər Ağazadə ölkədəki ictimai-siyasi vəziyyətlə bağlı çıxış etmək üçün sözü Ümid Partiyasının sədri, millət vəkili İqbal Ağazadəyə verib.

Qarşıdan gələn parlament seçkilərində Ümid Partiyasının iştirak edəcəyini və partiya tərəfindən namizədliyi irəli sürülənlərin əksəriyyətinin qələbəsinə əmin olduğunu bildirən İqbal Ağazadə, bu seçkilərin ölkənin gənc təşkilatlarından olan Ümid Partiyası üçün ciddi əhəmiyyət daşıdığını da xüsusi olaraq vurğulayıb: “Bu seçkilərdə bizim qazanacağımız hər bir səsin əhəmiyyəti var. Çünki məhz bu səslər Ümid Partiyasının cəmiyyətdəki, siyasi arenadakı mövqeyinin müəyyənləşməsinə xidmət edir”.
Partiyanın seçkilərdə iştirak formasına gəlincə, hələlik bu istiqamətdə müzakirələrin aparıldığını söyləyən İqbal Ağazadə onu da bəyan edib ki, onlar bu dəfə də müxalifət düşərgəsinin vahid blok şəklində seçkilərə qatılmasının tərəfdarıdır: “Doğrudur, bu gün müxalifətin seçkilərdə blok şəklində iştirakı çətin görünür. Çünki mətbuatdan da aparılan danışıqların heç də ürəkaçan nöqtədə olmadığını bilirsiniz. Amma unutmaq lazım deyil ki, müxalifətin parçalanması, seçkilərdə birgə iştirak qərarı verə bilməməsi kiminsə yox, yalnız və yalnız hakimiyyətin maraqlarına uyğundur”.
İqbal Ağazadə Ali Məclis üzvlərini istənilən halda parlament seçkilərinə ciddi şəkildə hazırlaşmağa da çağırdı: «Hakimiyyətin təsir imkanları böyükdür. Ola bilsin ki, bizim birliyimizi hansısa nöqtədə əngəlləsinlər. Lakin vəziyyətin belə bir şəkil alması da Ümid Partiyasını seçkidə iştirak qərarından daşındıra bilməz və biz ən azından 100 dairədə namizədləri irəli sürməklə seçkilərdə iştirak etməliyik».
Daha sonra Ali Məclis iştirakçıları təşkilati məsələlərin müzakirəsini aparıblar. Ali Məclis üzləri bir neçə müddət öncə İqbal Ağazadə tərəfindən partiya sədrinin ümumi məsələlər üzrə müavini postuna təyin olunmuş tanınmış döyüşçü Arif Paşanın müavin kimi təsdiq olunmasına səs verdilər. Onu həmçinin Ali Məclis üzvü kimi də təsdiq etdilər.
Son bələdiyyə seçkilərində neqativ fəaliyyətləri səbəbindən partiyanın İmişli və Ucar rayon təşkilatları ilə bağlı da Ali Məclis üzvləri müzakirə apardılar. Əksəriyyətin lehinə olması şərtilə Ümid Partiyası İmişli rayon təşkilatının strukturları buraxıldı, təşkilatın keçmiş sədri Hüseynov Babək partiya sıralarından xaric edildi. Ucar rayon təşkilat komitəsinin isə yenidən formalaşdırılmasına qərar verildi.

Elşad MƏMMƏDLİ

739 dəfə baxılıb

[13.02.2012] - “UNİVERSİTETDƏ QALMAĞIMIN SƏBƏBKARI MİR CƏLAL PAŞAYEV OLUB”

[13.02.2012] - İCTİMAİ PALATA “EUORVİSİON” ÖNCƏSİ AKSİYALAR KEÇİRMƏYƏ BİLƏR, ƏGƏR...

[13.02.2012] - İSA QƏMBƏRİN BAŞQANLIQDA QALMASININ ƏN OPTİMAL VARİANTI TAPILIB

[13.02.2012] - PARLAMENTDƏKİ 10 PARTİYA HANSIDIR?

[13.02.2012] - TÜRKİYƏ AZƏRBAYCANIN DEMOKRATİKLƏŞMƏSİNDƏ HƏLLEDİCİ OLACAQ

[13.02.2012] - İCTİMAİ PALATA MƏTBUATA TƏZYİQLƏRLƏ BAĞLI XÜSUSİ TOPLANTI KEÇİRƏCƏK

[12.02.2012] - AZƏRBAYCANDAKI SÜLALƏ HAKİMİYYƏTİNİN SÜQUTU LABÜDDÜR

[12.02.2012] - VURĞUN ƏYYUB BAŞQANLIĞA NAMİZƏDİNİ AÇIQLADI

[12.02.2012] - PƏNAH HÜSEYNLƏ ÇƏKİŞƏN SABİQ SƏFİRİN DİGƏR ÇƏKİŞMƏLƏRİ DƏ VAR

[12.02.2012] - PARLAMENTİN FÖVQƏLADƏ İCLASI NİYƏ ÇAĞIRILMADI?

[12.02.2012] - MEHRİBAN VƏZİR ARİF HACILIYA AÇIQ MƏKTUB YAZDI

[11.02.2012] - MÜXALİFƏT YAP-dan GƏLƏN DİALOQ TƏKLİFİNƏ CAVAB VERDİ

[11.02.2012] - PƏNAH HÜSEYN ANS-dəki QALMAQALA SON NÖQTƏNİ QOYDU

[11.02.2012] - RAFİQ ƏLİYEVDƏN SİYAVUŞ NOVRUZOVA CAVAB GƏLDİ

[11.02.2012] - ASLAN İSMAYILOVUN ZİYALILAR FORUMUNDAN GETMƏSİNİN SƏBƏBİ BİLİNDİ

[11.02.2012] - YAP-çı DEPUTATIN “QARABAĞ VETERANIYAM” DEMƏSİNƏ SƏRT REAKSİYALAR

[10.02.2012] - VƏKİLLƏ YAP-çı DEPUTATIN SÖZ SAVAŞI QIZIŞIR

[10.02.2012] - MÜSAVATDAN SİYAVUŞ NOVRUZOVUN AÇIQLAMALARINA SƏRT CAVAB

[10.02.2012] - 2013-də İLHAM ƏLİYEVİN ƏSAS RƏQİBİ KİM OLACAQ?

[10.02.2012] - HÜQUQ MÜDAFİƏÇİLƏRİ VİCDAN MƏHBUSU İLƏ MARAQLANACAQ

ARXIV