“HEYDƏR ƏLİYEVİN YERİ GÖRÜNÜR”

	13 fevral 2012


Onlayn ictimai-siyasi qəzet

Siyasət

“HEYDƏR ƏLİYEVİN YERİ GÖRÜNÜR”

2010-03-14

Pənah Hüseyn: “İndiki durumun siyasi lideri kimi İsa Qəmbər faktoru var”

“Heydər Əliyev nəhəng bir siyasətçi idi, bunu heç kim dana bilməz”. Bu açıqlama ilə deputat Pənah Hüseyn “Açıq fikir” qəzetinə geniş müsahibəsində çıxış edib. P.Hüseyn bildirib ki, bugünkü iqtidarın içində Heydər Əliyevin yeri görünür. Deputat hesab edir ki, Heydər Əliyev sağ olsaydı, indiki iqtidarın yürütdüyü siyasət bu şəkildə olmazdı. Azərbaycanın gələcəyini isə Rəsulzadə-Elçibəy tərəfindən hazırlanmış ideologiyanın həyata keçirilməsində gördüyünü deyən P.Hüseyn bu gün Azərbaycan müxalifətinin Elçibəysizlik sindromu yaşadığını qeyd edib.

“Elçibəyi əvəz etmək mümkün deyil və olmayacaq da. Əbülfəz Elçibəyi axtarmaq, tapmaq işi isə əbəsdir. Amma hesab edirəm ki, biz bir toplum şəklində yeni dövrün çağırışlarına cavab verə bilərik. Müəyyən fikir ayrılıqları, proseslərə baxış fərqləri olmasına baxmayaraq, bu gün indiki durumun siyasi lideri kimi İsa Qəmbər faktoru var. Bu qəbul olunmalıdır və Pənah Hüseyn də bunu qəbul edir”.
Bir neçə gün əvvəl Müsavat başqanı İsa Qəmbərlə təxminən 2 saatlıq görüşünün olduğunu bildirən P.Hüseyn görüşdə hiss edib ki, bir sıra məsələlərdə artıq fikirlər üst-üstə düşür: “Bilirsiniz, vaxtında biz marksist olmuşuq, indi onu söysək də. İstənilən ideya gərək kütləyə söykənə və onun arxasında canlı sosial baza ola. Allah ruhu yaratdığı insan bədəninə köçürəndən sonra insan bəşəriyyətin ən şərafətli canlısı oldu. Eləcə də hansısa ideya sosial bazası olmayan bir təşkilatla birləşmirsə, o zaman ideya olaraq qalır. Hazırda bunun üzərində iş gedir və şübhəsiz, hər şey seçkiyə istiqamətlənib. Mən ötən illə müqayisədə çox optimistəm. Sadəcə bəzi subyektiv maneələri kənara atmaq lazımdır. Güman edirəm ki, aprel-may aylarında bu prosesi sona çatdıracağıq”.
P.Hüseyn deputatlığa namizədliyini hazırda millət vəkili olduğu Sabirabad rayonundan verməyəcəyini rəsmən açıqlayıb: “DUİ-də təxminən 93 namizədin adı müəyyən edilib. Orada 63-cü dairədən, yəni mənim indi deputat olduğum dairədən, bizim partiyanın sədri Qiyas Sadıqovun namizədliyinin verilməsi nəzərdə tutulur. Mənim namizədliyim isə 22 saylı Nəsimi seçki dairəsindən veriləcək. Biz Azərbaycan Xalq Partiyası olaraq bu dəfə parlamentdə 3 nəfərlə təmsil olunmaq fikrində və əzmindəyik”.

ETİBAR

2507 dəfə baxılıb