MSK-dan “FACEBOOK”da TƏBLİĞAT APARANLARA XƏBƏRDARLIQ

	09 sentyabr 2010


Onlayn ictimai-siyasi qəzet

Siyasət

MSK-dan “FACEBOOK”da TƏBLİĞAT APARANLARA XƏBƏRDARLIQ

Natiq Məmmədov: “Elektron vasitələrlə yayılan materiallar indidən rəsmiləşdirilə və gələcəkdə sübut əhəmiyyəti kəsb edə bilər”

“Seçkilərdə iştirak etmək istəyən passiv seçki hüququna malik olan subyektlər bilməlidir ki, seçkiqabağı təşviqat yalnız səsvermə gününə ən çoxu 28 gün qalmış vaxtdan başlaya bilər və seçki gününə 1 gün qalmış dayandırılmalıdır. Digər hallarda təşviqat aparmaq qadağandır. Eyni zamanda əgər həmin şəxslər seçkilərdə iştirak edəcəklərsə, onların təşviqata start verilməzdən təşviqat aparması sonradan qanunsuz hesab edilir. Bu, qanunun tələbidir”.

Bunu Mərkəzi Seçki Komissiyasının (MSK) katibi Natiq Məmmədov “Facebook”da bəzi şəxslərin indidən öz “namizədliklərinin” təbliğatının aparması ilə bağlı mövzunu lent.az-a şərh edərkən deyib. N.Məmmədov bu cür təşviqat aparmaq niyyətində olan, yaxud aparanların diqqətinə çatdırıb ki, qanunun verdiyi imkanlardan artıq imkanlar əldə etmək cəhdi onların xeyrinə olmayacaq: “Ona görə də arzu edilir ki, seçki prosesinə qoşulmaq niyyətində olan şəxslər qanunun bu tələbləri ilə tanış olsun. Və bilsinlər ki, hər hansı bir şəxs, gələcək seçkiyə iştirak edəcək namizəd bu gün öz təşviqatını aparmırsa - çünki qanun buna imkan vermir - lakin başqa biri aparırsa, bu, gələcəkdə təşviqat bərabərliyinin pozulması kimi qiymətləndirilir. Çünki təşviqat tərəfləri bərabər imkanlarla təmin edilirlər. Təbii ki, söhbət seçkiyə namizəd qismində qatılmaq niyyətində olanlardan, qatılacaq adamlardan gedir. Seçkilərdə qeydə alınacaq namizəd qismində, o cümlədən hər hansı partiyanın, yaxud blokun qeydə alınan namizədi qismində iştirak edən şəxslər birmənalı bilməlidir ki, digər opponentləri - gələcəkdə seçkiyə namizəd qismində qatılaraq qanunun tələblərinə cavab verən formada davranış nümayiş etdirəcək namizədlərin və subyektlərin haqqını pozmaq olmaz. Əvvəlcədən təşviqat aparılması əlbəttə ki, bu baxımdan qiymətləndiriləcək”.
N.Məmmədov deyib ki, “Facebook”da qanunsuz təbliğat-təşviqat materiallarının yerləşdirilməsinin sonradan sübuta yetirilməsi də mümkündür: “Elektron vasitələrlə yayılan materiallar indidən rəsmiləşdirilə və gələcəkdə sübut əhəmiyyəti kəsb edə bilər”.
MSK katibi qeydə alınmış namizədin təbliğat-təşviqat müddətində öz təbliğatını “Facebook”da aparıb-aparmamaq imkanları barədə isə konkret danışmayıb: “Bu, çox maraqlı məsələdir. Ancaq bununla bağlı qanunvericilikdə belə bir qayda nəzərdə tutulmayıb. Qanunvericilik prinsipcə təşviqat aparılmasının üsul və vəzifələrini dəqiq müəyyən edib. Orada o cür imkan nəzərdə tutulmayıb”.
N.Məmmədov əlavə edib ki, tək bu məsələ ilə bağlı deyil, ümumiyyətlə, seçki prosesində qanunvericilikdə nəzərdə tutulmayan, yaxud qanunda nəzərdə tutulanların ziddinə olaraq hər hansı bir fəaliyyət olacaqsa, elə qanunda nəzərdə tutulmuş qaydada tədbirlər görüləcək.
Xatırladaq ki, Azərbaycanda parlament seçkiləri bu il noyabrın 7-də keçiriləcək. Bəzi şəxslər “Facebook” sosial şəbəkəsində namizədliyini irəli sürəcəyini açıqlayıb.

Xəbər xidməti

431 dəfə baxılıb

[09.09.2010] - AXCP-MÜSAVAT SEÇKİ BLOKU REDAKTORLARSIZ QALDI

[09.09.2010] - DUİ-nin DEPUTATLIĞA NAMİZƏDLƏRİ TƏSDİQ OLUNDU

[08.09.2010] - YAP SİYAHISINI AÇIQLAMADI

[08.09.2010] - MÜSAVAT-CƏBHƏ BİRLİYİ YARANIR

[08.09.2010] - “QARABAĞ” SEÇKİ BLOKUNUN SƏNƏDLƏRİ MSK-ya TƏQDİM EDİLDİ

[08.09.2010] - YAP BEYNƏLXALQ BÖHRAN QRUPUNA SƏRT REAKSİYA VERDİ

[08.09.2010] - AYAZ MÜTƏLLİBOV NAMİZƏDLİYİNI VERMƏYƏCƏK

[08.09.2010] - RƏSUL QULİYEVİN PARTİYASI SEÇKİDƏ İŞTİRAK ETMƏYƏCƏK

[07.09.2010] - PİTER SEMNEBİ İSA QƏMBƏRLƏ GÖRÜŞÜB

[07.09.2010] - “DEMOKRATİYA” SEÇKİ BLOKU YARADILDI