Siyasət MERİYA MÜSAVATIN MİTİNQİNƏ YENƏ İCAZƏ VERMƏDİ 2010-07-29 Arif Hacılı: “Biz kütləvi aksiyamızı keçirməkdə qərarlıyıq”

Bakı Şəhər İcra Hakimiyyəti (BŞİH) Müsavat Partiyası və Demokratiya Uğrunda İttifaqın (DUİ) paytaxtda 31 iyul tarixdə mitinq keçirilməsi ilə bağlı müraciətinə rədd cavabı verib. Bu barədə meriyanın yaydığı məlumatda bildirilir ki, tədbirin keçirilməsi planlaşdırılan yerlər insanların sağlamlığı üçün nəzərdə tutulduğundan və nəqliyyatın intensiv hərəkət etdiyi ərazilər olduğundan, hər hansı toplantının keçirilməsi mümkün deyil.

Bununla bərabər, müxalifətə həmin tarixdə şəhərdən kənarda yerləşən 3 meydanda etiraz aksiyasının keçirilməsi təklif olunub. Bunlar Binəqədi qəsəbəsindəki İdman-Sağlamlıq Kompleksinin stadionu, Səbayel rayonu, 20-ci yaşayış sahəsində yerləşən sürücülük məktəbinin həyəti və Xətai rayonu, Zığ yolu keçəsində 29/22-ci məhəllə ilə üzbəüz meydançadır.
Müsavat Partiyasının Mərkəzi İcra Aparatının rəhbəri Arif Hacılı isə meriyanın cavabının “Sərbəst toplaşmaq azadlığı haqqında” Qanuna zidd olduğunu dedi: “Amma biz kütləvi aksiyamızı məktubda göstərilən ünvanlardan birində keçirməkdə qərarlıyıq. Sabah (bu gün -red.) bununla bağlı müəyyən məsləhətləşmələr aparılacaq və dəqiq qərar veriləcək”.
Xəbər verdiyimiz kimi, AXCP də Müsavat və DUİ ilə eyni gündə meriyaya mitinq keçirmək üçün müraciət edib. AXCP-nin məktubuna BŞİH-dən hələ cavab gəlməyib. Müsavatın AXCP ilə eyni gündə, eyni məkanda mitinq keçirilməsi ilə bağlı ilkin razılaşma var. Maraqlıdır, bu dəfə mitinqə rayon təşkilatlarından da qatılan olacaqmı?
Müsavatın Sabunçu rayon təşkilatının sədri Rafiq İsmayıl mitinqə çıxmamaqdan söhbət belə getmədiyini bildirdi: “Biz öz müşavirəmizi keçirmişik. Bütün qanımızla, canımızla mitinqdəyik”. Zaqatala rayon təşkilatının sədri Saleh Soltanov 31 iyul aksiyasına qatılmaq istəyənlərin çox olduğunu söylədi: “Amma maddi vəziyyətimiz Bakıya gəlməyə imkan vermir”.
Gədəbəy rayon təşkilatının sədri Şahin Ələkbərov mitinqə qatılanların olacağını dedi: “Ən azı 2-3 üzvümüzü göndərəcəyik”.
Sabirabad rayon təşkilatının sədri Azər İsmayıl mitinqdə şəxsən iştirak edəcəyini qeyd etdi: “Təbii ki, başqa üzvlərimiz də aksiyaya qatılacaq”.
Lənkəran rayon təşkilatının sədri Yadigar Sadıqov da həmin gün Bakıda olan üzvlərlə birgə aksiyaya qatılacağını dedi.
Ağcabədi rayon təşkilatının sədri Rəşid Nəcəfli partiya üzvlərinin kütləvi iştirak lazım olan tədbirlərdə canla-başla iştirak etdiklərini bildirdi: “Müsavatçılıq bizim tale yazımızdır. Ona görə də, imkan olarsa, aksiyaya mütləq qatılacağıq”.

Nailə RÖVŞƏNQIZI

474 dəfə baxılıb

[13.02.2012] - “UNİVERSİTETDƏ QALMAĞIMIN SƏBƏBKARI MİR CƏLAL PAŞAYEV OLUB”

[13.02.2012] - İCTİMAİ PALATA “EUORVİSİON” ÖNCƏSİ AKSİYALAR KEÇİRMƏYƏ BİLƏR, ƏGƏR...

[13.02.2012] - İSA QƏMBƏRİN BAŞQANLIQDA QALMASININ ƏN OPTİMAL VARİANTI TAPILIB

[13.02.2012] - PARLAMENTDƏKİ 10 PARTİYA HANSIDIR?

[13.02.2012] - İCTİMAİ PALATA MƏTBUATA TƏZYİQLƏRLƏ BAĞLI XÜSUSİ TOPLANTI KEÇİRƏCƏK

[13.02.2012] - TÜRKİYƏ AZƏRBAYCANIN DEMOKRATİKLƏŞMƏSİNDƏ HƏLLEDİCİ OLACAQ

[12.02.2012] - AZƏRBAYCANDAKI SÜLALƏ HAKİMİYYƏTİNİN SÜQUTU LABÜDDÜR

[12.02.2012] - VURĞUN ƏYYUB BAŞQANLIĞA NAMİZƏDİNİ AÇIQLADI

[12.02.2012] - PƏNAH HÜSEYNLƏ ÇƏKİŞƏN SABİQ SƏFİRİN DİGƏR ÇƏKİŞMƏLƏRİ DƏ VAR

[12.02.2012] - PARLAMENTİN FÖVQƏLADƏ İCLASI NİYƏ ÇAĞIRILMADI?

[12.02.2012] - MEHRİBAN VƏZİR ARİF HACILIYA AÇIQ MƏKTUB YAZDI

[11.02.2012] - MÜXALİFƏT YAP-dan GƏLƏN DİALOQ TƏKLİFİNƏ CAVAB VERDİ

[11.02.2012] - PƏNAH HÜSEYN ANS-dəki QALMAQALA SON NÖQTƏNİ QOYDU

[11.02.2012] - RAFİQ ƏLİYEVDƏN SİYAVUŞ NOVRUZOVA CAVAB GƏLDİ

[11.02.2012] - ASLAN İSMAYILOVUN ZİYALILAR FORUMUNDAN GETMƏSİNİN SƏBƏBİ BİLİNDİ

[11.02.2012] - YAP-çı DEPUTATIN “QARABAĞ VETERANIYAM” DEMƏSİNƏ SƏRT REAKSİYALAR

[10.02.2012] - VƏKİLLƏ YAP-çı DEPUTATIN SÖZ SAVAŞI QIZIŞIR

[10.02.2012] - MÜSAVATDAN SİYAVUŞ NOVRUZOVUN AÇIQLAMALARINA SƏRT CAVAB

[10.02.2012] - 2013-də İLHAM ƏLİYEVİN ƏSAS RƏQİBİ KİM OLACAQ?

[10.02.2012] - HÜQUQ MÜDAFİƏÇİLƏRİ VİCDAN MƏHBUSU İLƏ MARAQLANACAQ

ARXIV