AMİP-ə DAHA IKI GURULTULU TRANSFER OLACAQ

	12 fevral 2012


Onlayn ictimai-siyasi qəzet

Siyasət

AMİP-ə DAHA IKI GURULTULU TRANSFER OLACAQ

2010-07-29

İyulun 29-da partiyanın Siyasi Şurasının fövqəladə toplantısı çağırılıb

Bir qədər əvvəl geniş və təmtəraqlı qurultay keçirən Milli İstiqlal Partiyasının Siyasi Şurasının fövqəladə toplantısı keçiriləcək. Siyasi Şurada partiyadaxili bir sıra məsələlərin müzakirəsi gözlənilir. Bu barədə partiyaya yaxın mənbələrdən məlumat əldə etdik. Lakin əlaqə saxladığımız AMİP funksionerlərinin heç biri bu barədə danışmaq istəmədilər.

Məlumatlı mənbənin sözlərinə görə, Siyasi Şuranın iclasında partiyaya iki gurultulu “transfer” barəsində qərar qəbul olunacağı bildirilir. Həmin şəxslərin birbaşa Siyasi Şuraya üzv qəbul olunacağını deyən qaynaq AMİP-ə üzv olacaq şəxslərdən birinin (adı məlum deyil) əvvəllər radikal müxalifət partiyasının fünksioneri olduğunu və hazırda hakimiyyətlə sıx əlaqələrdə olduğunu bildirir. Digər şəxs isə 2005-ci il parlament seçkiləri öncəsi çevriliş şousunda həbs edilən və hazırda azadlıqda olan məmurlardan biri olacaq. Həmin şəxsin Akif Muradverdiyev olacağı barədə təxminləri olan mənbə bu barədə dəqiq məlumatı olmadığını da söylədi.
Qeyd edək ki, AMİP-in iyulun 10-da keçirilən qurultayında formalaşan Siyasi Şurasında 2 yer boş saxlanılıb. Görünür, AMİP rəhbərliyi hər iki transfer barədə əvvəlcədən məlumatlı olduğu üçün belə qərar verib. Mənbə AMİP siyasi proseslərə fəal qoşulmaq üçün gücləndirilməsi istiqamətində gərgin iş getdiyini və partiyanın yaxın aylarda siyasi gündəmi zəbt edən hadisələrlə çıxış edəcəyi gözlənilir.

Xəbər xidməti

1041 dəfə baxılıb