“DEMOKRATİYA” SEÇKİ BLOKU YARADILDI

	12 fevral 2012


Onlayn ictimai-siyasi qəzet

Siyasət

“DEMOKRATİYA” SEÇKİ BLOKU YARADILDI

2010-09-07

Asim Mollazadə ilə Sabir Rustəmxanlı seçkiyə vahid namizədlərlə qatılacaqlar

Dünən Vətəndaş Həmrəyliyi Partiyası (VHP) və Demokratik İslahatlar Partiyası (DİP) arasında “Demokratiya” seçki blokunun yaradılmasına dair saziş imzalanıb. APA-nın məlumatına görə, sazişi VHP sədri Sabir Rüstəmxanlı və DİP sədri Asim Mollazadə imzalayıblar.

Sabir Rüstəmxanlı S.Rüstəmxanlı deyib ki, VHP-nin 80-dən artıq nümayəndəsinin namizədliyinin irəli sürülməsi planlaşdırılıb. Onun sözlərinə görə, DİP-lə qarşılıqlı olaraq razılaşdırdıqdan sonra “Demokratiya” seçki blokunun təxminən 100 vahid namizədinin irəli sürülməsi gözlənilir.
Qeyd edək ki, daha öncəki açıqlamalarında A.Mollazadə seçkilərə təkbaşına qatılacağını bildirmişdi.
Bu məqama, eləcə də bir sıra suallara aydınlıq gətirmək məqsədilə A.Mollazadə ilə danışdıq.
A.Mollazadə hər iki partiyanın imkanlarını dəyərləndirdiklərini və güclərini birləşdirmək qərarına gəldiklərini söylədi.
Müsahibimiz bildirdi ki, bir sıra partiyalarla da danışıqlar aparılır və bu blok daha da böyüyəcək: “Bizim bloka daxil olmaq üçün müraciət edən partiyalar var”.
Bunların hansı partiyalar olduğuna gəlincə, A.Mollazadə bildirdi ki, proseslər yekunlaşmayana qədər bu haqda açıqlama verməyəcəklər: “Biz razılığa gələndən sonra ictimaiyyətə məlumat yayacağıq”.
Asim Mollazadə A.Mollazadə bildirdi ki, seçkilərə blok şəklində qatılmaqda partiyaların regional təşkilatların təşəbbüsləri də mühüm rol oynayıb: “Biz də düşündük ki, şöbələrimizin birgə fəaliyyəti partiyalarımızın seçkilərdə imkanlarını daha da artıracaq”.
A.Mollazadə VHP ilə dairələr üzrə namizədlərin razılaşdırılması prosesində problemlərin yaşanmadığını söylədi: “Ən uğurlu şəxsləri blokun vahid namizədi kimi müəyyənləşdirəcəyik. Proses qarşılıqlı anlaşma formasında gedir. Yaxın günlərdə əksər dairələri əhatə edən siyahımız dərc olunacaq. Çox güman ki, 125 dairənin əksəriyyətindən namizəd verəcəyik. Bu məqsədlə bir neçə sahə üzrə işçi qrup yaratmışıq”.
Asim Molazadə deputat seçildiyi dairədə qalib gələcəyinə inandığını bildirdi.