PƏNAH HÜSEYN: "İRANA HƏRBİ MÜDAXİLƏ YOLVERİLMƏZDİR"

	23 may 2012


Onlayn ictimai-siyasi qəzet

Son xəbər

PƏNAH HÜSEYN: "İRANA HƏRBİ MÜDAXİLƏ YOLVERİLMƏZDİR"

2012-02-04

İctimai Palatanın sessiyasında çıxış edən İP KŞ üzvü, sabiq baş nazir Pənah Hüseyn “2012-ci ildə İctimai Palatanın fəaliyyətinin əsas məqsəd, hədəf və istiqamətləri” sənədini təqdim etdi. O, həmçinin vurğuladı ki, bu sənəd kollektiv iradəni- İP KŞ-nin rəyini əks etdirir.

Pənah bəy konkret sənəd təqdimatı ilə yanaşı, bir sıra fikirərini də təqdim etdi. Regiondakı gəlişmələrə və hakimiyyətin durumuna toxunaraq, bir sıra təhlillər verdi, təkliflər irəli sürdü. Təkliflərdən biri də bu idi ki, Milli Etimad Höküməti yaradılsın. P.Hüseyn həmçinin, İranla bağlı məsələlərə də toxundu, təklif etdi ki, İP adından İran və Qərblə əlaqədar yaranan məsələlərə münasibət bildirilsin; İranın demokratikləşmə zərurəti vurğulanmaqla yanaşı, onun bombalanması, hərbi müdaxiləyə yol verilməsi də qeyd edilsin: "İrana hərbi müdaxilənin yolverilməzliyi İP-in mövqeyində öz əksini tapsın".

Fuad Qəhrəmanlı: "Seçkini kim keçirəcəksə, hakimiyyəti o udacaq..."

Daha sonra çıxış edən AXCP sədrinin müavini Fuad Qəhrəmanlı qeyd etdi ki, biz hələlik özümüzə və fəaliyyət istiqamətlərimizə aid məsələlərə öncəlik verək. Digər məsələlərin hamısına, dünyada cərəyan edən bütün olaylara reaksiya verməyə məcbur və borclu deyilik. Durumun maraqlı təhlilini verən Fuad bəy xalqı təşkilatlandırmanın vacibliyindən danışaraq, sonda qeyd etdi gələcəkdə seçkini kim keçirəcəksə, o da qalib gələcək. Biz elə bir situasiya yaratmalıyıq ki, növbəti seçkini xalqın nəzarəti altında biz keçirək.

Fərahim İLQAROĞLU

3024 dəfə baxılıb