ŞAXTA QƏZETLƏRİN TİRAJINI BUZ KİMİ KƏSİB

	23 may 2012


Onlayn ictimai-siyasi qəzet

Son xəbər

ŞAXTA QƏZETLƏRİN TİRAJINI BUZ KİMİ KƏSİB

2012-02-09

"Havaların kəskin pisləşməsi qəzetimizin satışına faciəvi formada təsir göstərib. Küçə yayımı tirajının az qala yarısı düşüb".

Bunu Teleqraf.az-a açıqlamasında "Yeni Müsavat" qəzetinin baş redaktoru Rauf Arifoğlu deyib. O qeyd edib ki, əvvəlki aylarla müqayisədə də qəzetin tirajında da kəskin fərq var: "Bu gün biz 8200 nüsxə buraxıb yaymışıq. Hansı ki, bizim tirajımız 11 mindir. Bu hardasa gün ərzində 3 min fərq deməkdir. Təxminən on gündür ki, hava müxalifliyi səbəbindən satış potensialımızı reallaşdıra bilmirik".

Baş redaktor onu da əlavə edib ki, havaların təsirindən əvvəl də məmurların maneələri qəzetin yayımı və satışına mənfi təsir göstərib: "Hələ bundan əlavə, əldə yayıma, səyyar satışa hakimiyyət orqanları tərəfindən təzyiqlər və məhdudiyyətlər vardı. Bu səbəbdən də qəzetlərin vəziyyəti fəlakətli həddə qədər pisdir".

"Bu bir həqiqətdir ki, kəskin dəyişiklik var. Bu da havaların kəskin soyuması ilə əlaqəlidir".

Bunu isə "Bakı Xəbər" qəzetinin baş redaktoru Aydın Quliyev deyib. O, Teleqraf.az-ın əməkdaşı ilə söhbətində soyuq havanın qəzetlərin satışına kifayət qədər mənfi təsir etdiyini deyib: "Əlbəttə ki, son günlərdə soyuq hava şəraiti qəzetlərin satışında da kəskin fərq yaradıb. Ötən həftənin 4-cü günündən bu günə kimi qəzetimizin satışında haradasa 60-70 faiz fərq müşahidə etmişik".

Bundan başqa, xəbər verilir ki, fevralın 9-da Azərbaycanın gündəlik qəzetlərinin bir qismi çıxmayıb. Buna fevralın 8-də Bakıda hökm sürən qar-çovğun səbəb olub.

“Media forum” saytı xəbər verir ki, “Bizim yol”, “525-ci qəzet”, “Exo”, “Bakı xəbər”, “Üç nöqtə”, “Mərkəz” qəzetləri və bir sıra başqa nəşrlər işıq üzü görməyib.

661 dəfə baxılıb