BAKI FUNİKULYORU 3-cü DƏFƏ ƏSASLI TƏMİR EDİLİR (FOTOLAR)

	24 may 2012


Onlayn ictimai-siyasi qəzet

Son xəbər

BAKI FUNİKULYORU MAYDA İSTİFADƏYƏ VERİLƏCƏK

2012-02-13

Gözləmə zallarında pulsuz internet olacaq, stansiyalar şüşədən və piramida formasında hazırlanacaq

52 yaşlı Bakı Funikulyorunun təmirdən sonra necə olacağı ilə bağlı şəkillər artıq sosial şəbəkələrdə yayılıb. Funikulyorun girişləri əvvəlki kimi Bəhram Gurun heykəli və “Şəhidlər” camesi yanında olacaq. Funikulyorun mayın 22-si, yəni "Eurovision-2012" mahnı müsabiqəsi ərəfəsində istifadəyə veriləcəyini bildirilir.

Tikintini aparan “Foral” şirkətin nümayəndələri bizə ərazidə çəkiliş aparmağa icazə vermədilər. Onlar bildirdilər ki, tikinti ərazisinə kənar şəxslərin buraxılması qadağandır və onların media nümayəndələrinə hər hansı informasiya vermək səlahiyyətləri yoxdur.

Ərazidə olan zaman qazılan tuneldə möhkəmləndirmə və relslərin dəyişdirilməsi işi həyata keçirilirdi. Köhnə qatarlarla bağlı sualımıza isə iç icraçısı kimi özünü təqdim edən Əli adlı şəxs onların yeniləri ilə əvəz olunacağını söylədi. O, bildirdi ki, hazırda funikulyorun möhtəşəm gözləmə zalı tikilir: “Burada sərnişinlər üçün hər şey nəzərdə tutulub. Hətta gözləmə zallarında pulsuz internetdə olacaq. Funikulyorun stansiyaları şüşədən və piramida formasında hazırlanacaq”.

Qeyd edək ki, funikulyorda aparılan təmir işləri ilə bərabər onun qarşısındakı Bəhram Gur heykəlinin ətrafı da təmirə bağlanılıb.
Bakı Funikulyoru 1960-cı ildə Əliş Ləmbəranskinin təşəbbüsü ilə tikilərək 1960-ci ildə mayın 5-də istifadəyə verilib. Sovet dövründə Bakı Funikulyorunun qatarları xüsusi sifarişlə Xarkov şəhərində hazırlanaraq paytaxtımıza gətirilib. Funikulyor saatda orta hesabla 2 min sərnişini daşımaq imkanına malik olub. Bakı Funikulyoru indiyədək 2001 və 2007-ci ildə iki dəfə əsaslı şəkildə təmir edilib.