GƏNCLƏR MİTİNİQ KEÇİRƏCƏK | Son_xəbər

	24 may 2012


Onlayn ictimai-siyasi qəzet

Son xəbər

GƏNCLƏR MİTİNİQ KEÇİRƏCƏK

2012-02-22

Martın 4-ü şəhərin mərkəzində “Siyasi məhbuslara azadlıq!”, “Qarabağ!” və “Rüşvətə yox!” şüarları səslənəcək

Məlum olduğu kimi, fevralın 13-də Gənclərin Hüquqlarını Müdafiə Komitəsi (GHMK) mitinq keçirməklə bağlı Bakı Şəhər İcra Hakimiyyətinin (BŞİH) başçısı Hacıbala Abutalıbova müraciət edib. Həmin müraciətdə martın 4-də saat 15:00-dan 17:00-dək ölkənin ərazi bütövlüyünün təmin olunması, rüşvətsiz təhsil və siyasi məhbusların azad olunması tələbi ilə mitinq keçiriləcəyi bildirilir. Mitinqdə “Siyasi məhbuslara azadlıq!”, “Qarabağ!” və “Rüşvətə yox!” şüarlarının səsləndirilməsi nəzərdə tutulub.

Bu barədə GHMK-dən redaksiyamıza məlumat verilib. Ancaq bu günədək meriyadan gənclərin müraciətinə heç bir cavab verilməyib. Komitə yetkililəri mitinqə hazırlıq, mitinq öncəsi keçirilən görüşlər və digər bu kimi məsələlərlə bağlı fevralın 23-ü, saat 12:00-də Vətəndaş Həmrəyliyi Partiyasının (VHP) mərkəzi qərargahında mətbuat konfransı keçirəcək.
Qeyd edək ki, 25 fevral tarixdə, saat 15:00-da VHP-nin akt zalında müxalifət və müstəqil gənclərin “Gələcək naminə” forumu da təşkil ediləcək. Müraciət GHMK tərəfindən edilib. GHMK-da 4 partiya, 5 təşkilatı - “Azad Gənclik” Təşkilatı, “Müsbət dəyişiklik” Gənclər Hərəkatı, “Dalğa” Gənclər Hərəkatı, “NİDA” Vətəndaş Hərəkatı, “İnsan Hüquqları Klubu” , Vətəndaş Həmrəyliyi Partiyası, Müsavat Partiyası, AXCP və ADP Gənclər Təşkilatları təmsil olunurlar.
Mitinqlə bağlı VHP Gənclər Təşkilatının üzvü Samir Əsədli “Yeni Müsavat”a açıqlamasında dedi ki, aksiyaları keçirməkdə israrlıdırlar: “Biz icazəli mitinq keçirəməyə israrliyiq və icra hakimiyyəti ilə danışıqlar üçün müraciət etmişik. Ancaq hələlik cavab yoxdur. Əgər icazə verilməsə, gənclərlə icazəszi aksiyalar barədə müzakirə aparacağıq. 3 məkandan biri - “Füzuli” meydanı, “Nərimanov” metrostansiyasının qarşısı və “Təbriz” kinoteatrının qarşısındakı meydanda aksiya keçirmək nəzərdə tutulub. Meriya harda icazə versə, yəni şəhərə yaxın yerlər olsa aksiyalar təşkil edəcəyik”.
“Azad” Gənclik Təşkilatının sədri Ülvi Həsənli meriya icazə vermədiyi halda icazəsiz mitinqin keçirilməsini istisna etmədi: “Meriyanın cavabını gözləyirik, əgər icazə verilməsə belə bir plan var. Yəni, şəhərin mərkəzində aksiyalar keçirəcəyik. Hüquqlarımız pozulur və buna etiraz səsimizi ucaltmalıyıq”.

1064 dəfə baxılıb