QAZ FACİƏSİ CİNAYƏT SƏCİYYƏSİ ALIR | Son_xəbər

	03 sentyabr 2010


Onlayn ictimai-siyasi qəzet

Son xəbər

QAZ FACİƏSİ CİNAYƏT SƏCİYYƏSİ ALIR

“Son dövrlərdə havaların soyuması ilə əlaqədar qazdan istifadənin intensivliyinin artdığı bir şəraitdə qaz istehlakçılarının müəyyənləşdirilmiş təhlükəsizlik qaydalarına əməl etməmələri, texniki normativlərə cavab verməyən qızdırıcılardan istifadə olunması və bu məsələlərdə səlahiyyətli orqanlar tərəfindən zəruri nəzarətin həyata keçirilməməsi səbəbindən qaz sızması və partlayışı, dəm qazının təsirindən insanların ölümü və sağlamlığına zərər vurulması, ölkə iqtisadiyyatına və vətəndaşlara xeyli ziyan dəyməsi ilə nəticələnən hadisələrin sayı mütəmadi olaraq artmaqda davam edir”.

Bu barədə Respublika Baş Prokurorluğunda keçirilən kollegiya iclasında bildirilib. Baş Prokurorluğun mətbuat xidmətindən APA-ya verilən məlumata görə, kollegiyada qeyd olunub ki, bu məsələ ilə əlaqədar Baş Prokurorluq tərəfindən aparılmış araşdırma nəticələrindən asılı olaraq, səlahiyyətləri dairəsində zəruri işlər görülməsi məqsədi ilə Dövlət Neft Şirkətinin “Azəriqaz ” İstehsalat Birliyinə, Standartlaşdırma, Metrologiya və Patent üzrə Dövlət Komitəsinə və Bakı şəhər İcra Hakimiyyətinə məktublar göndərilib. Nəticələr və görülmüş tədbirlər barədə baş nazir məlumatlandırılıb.

İclasda həmçinin, Baş Prokurorluğun müvafiq qurumları və Bakı şəhər prokurorluğu, əlaqədar tabe rayon prokurorları tərəfindən bu istiqamətdə məqsədyönlü işlər davam etdirilməklə, qaz təchizatı sahəsində fəaliyyət göstərən və bu sahəyə dövlət nəzarətini həyata keçirən müvafiq icra strukturları və dövlət təsisatları ilə əlaqəli şəkildə, insanların ölümünə və yaralanmasına, ölkə iqtisadiyyatına və vətəndaşlara xeyli ziyan dəyməsinə səbəb olan qaz partlayışları və dəm qazından zəhərlənmə faktları üzrə başlanmış cinayət işlərinin keyfiyyətli istintaq olunması, bütün təqsirkar şəxslərin cinayət məsuliyyətinə cəlb edilməsi, mütəxəssislərin iştirakı ilə hadisələrin başvermə səbəbləri müəyyənləşdirilməklə, onları doğuran halların aradan qaldırılmasının təmin edilməsi barədə tapşırıq verilib.

714 dəfə baxılıb

[03.09.2010] - HAMLET İSAXANLI REKTORLUQDAN GETDİ

[03.09.2010] - ABU-nun MOSKVA FİLİALI DA BAĞLANIB

[03.09.2010] - ƏSGƏR XƏSTƏLİKDƏN ÖLÜB

[03.09.2010] - ASİM MOLLAZADƏ VƏ SABİR RÜSTƏMXANLI BLOK YARADIB

[03.09.2010] - BELÇİKA QƏZETİ TƏNZİLƏ RÜSTƏMXANLIDAN YAZIB

[03.09.2010] - İRAN SƏFİRLİYİNİN QARŞISINDA AKSİYA OLUB

[03.09.2010] - ABŞ SƏFİRLİYİNİN MƏTBUAT KATİBİ "YENİ MÜSAVAT"DA OLDU

[03.09.2010] - BAYRAQ CIRILIB VƏ ENDİRİLİB

[03.09.2010] - LƏNKƏRANDAN DAHA BİR MƏSCİDDƏ ŞİDDƏT XƏBƏRİ

[03.09.2010] - İSRAİLLİ QADIN ƏSGƏR FƏLƏSTİNLİ ƏSİRƏ NECƏ SATAŞIB...

[03.09.2010] - İH-in ŞÖBƏ MÜDİRİNİN OĞLU İNTİHAR EDİB