KÖHNƏ DOSTUN YENİ TƏŞRİFİ | Son_xəbər

	09 fevral 2012


Onlayn ictimai-siyasi qəzet

Son xəbər

KÖHNƏ DOSTUN YENİ TƏŞRİFİ

2010-07-29

Ölkəmizin və "Yeni Müsavat"ın sadiq dostu Atilla Kaya qəzetimizdə oldu

Ölkəmizdə qısamüddətli işgüzar səfərdə olan Türkiyə Böyük Millət Məclisinin üzvü, MHP yetkilisi Atilla Kaya bu gün "Yeni Müsavat"a təşrif buyurdu. Azərbaycanın, eləcə də qəzetimizin köhnə və sadiq dostu olan Atilla Qayanı baş redaktor Rauf Arifoğlu qarşıladı.

Möhtərəm qonağımızla söhbət zamanı o bildirdi ki, bu günlərdə Türkiyənin xarici ticarət məsələləri üzrə dövlət naziri Zəfər Çağlayanın rəhbərliyi ilə 100-ə qədər siyast və iş adamları Azərbaycana gəliblər. TBMM-in Türkiyə-Azərbaycan dostluq qrupunun üzvü olaraq onların arasına qatıldığını vurğulayan A.Qaya bildirdi ki, səfər daha çox işgüzar xarakter daşıyır. O, keçirdikləri görüşlərdə Türkiyə və Azərbaycanın illik ticarət dövriyyəsinin hər iki qardaş ölkənin potensialından qat-qat aşağı olmasının vurğulandığını dedi: "Bundan başqa, Azərbaycanda fəaliyyət göstərən türkiəyli iş adamlarının problemləri dilə gətirldi. Bu problemlər əsasən gömrük orqanları ilə bağlıdır. Bütün dünyada gömrükdə sənədləşdirmə, gözləmə həddi 11-14 gündürsə, bu, Azərbaycanda 54 gündür. Bu isə iş adamlarına böyük problemlər yaradır".

Daha sonra Atilla Qaya iki qardaş ölkə münasibətlərindəki pozitiv irəliləyişlərdən, gərginliyin arxada qalmasında və inşallah belə davam etməsinin faydalı olacağından danışdı.

Ölkəmizin sadiq dostu ilə geniş söhbəti "Yeni Müsavat"ın sabahkı sayında oxuya biləcəksiniz.

musavat,com

1600 dəfə baxılıb