Son xəbər AZƏRBAYCANLI MİLYARDER AVROPADA SENATOR OLDU Fərhad Əhmədov nüfuzlu beynəlxalq təşkilatın rəhbərliyində təmsil olunacaq

Rusiyada yaşayan azərbaycanlı milyarder Fərhad Əhmədov Avropa İqtisadi Ticarət, Kommersiya və Sənaye Palatasının üzvü, sonra isə senatoru seçilib. Qərar bu qurumun rəhbərliyi tərəfindən iyulun 15-də verilib. Lent.az-ın məlumatına görə, sənaye Palatası Avropa İqtisadi Maraqlar Qrupunun (EEİG) formatı əsasında təsis edilən nəhəng və nüfuzlu beynəlxalq qeyri-hökumət təşkilatıdır. Sənaye Palatası Avropa İqtisadi Birliyi Şurasının 25 iyul, 1985-ci il tarixli qərarı ilə təsis olunub. Bu qurum Brüsseldəki Kommersiya Məhkəməsi tərəfindən rəsmi qeydiyyata alınıb və Avropa məkanında hüquqi şəxs kimi çıxış edir.

EEİG-in yaradılmasının əsas təşəbbüskarı Avropa iqtisadiyyatının özəl sektorudur. Bu qurumun məqsədi Avropa Birliyi ölkələri hökumətlərinin siyasi, iqtisadi, sosial və mədəni-humanitar məqsəd və vəzifələrini dəstəkləməkdir. Təşkilatın adı Avropa Birliyinin ticarət markası kimi müdafiə olunur. Avropa hökumətinin rəsmi məsləhətçisi olan EEİG-in missiyası həm Avropa Birliyi ölkələrinin daxili bazarında, həm də Avropa Birliyi ölkələri ilə digər ölkələrin işgüzar dairələrinin münasibətlərində vasitəçi olmaqdır.
Xatırladaq ki, Rusiyanın ən nüfuzlu və varlı adamlarından olan F.Əhmədov 1955-ci ildə Bakıda doğulub. 15 yaşında ikən Rusiyaya gedən soydaşımız orada biznes və siyasi fəaliyyət sahəsində parlaq karyera əldə edib. Rusiyada Skryabin adına Veterinarlıq Akademiyasını və Qubkin adına Neft İnstitutunun aspiranturasını bitirib, bir müddət dövlət idarələrində işləyib. 1985-ci ildə özəl bizneslə məşğul olmağa başlayıb. Az sonra Böyük Britaniyaya mühacirət edib və Londonda nüfuzlu Yüksək İqtisadiyyat Məktəbinə daxil olub. Elitar iqtisadi təhsil alandan sonra neft biznesinə keçib. Londonda “Tansley Trading Ltd.” adlı şirkət təsis edib. Bu şirkət “Qazprom”un tərəfdaşlarından olub. 1989-cu ildə ABƏŞ-in yaradılmasının əsas ideoloqlarından biri kimi çıxış edib, “Amoco Eurasiya” və “McDermott” neft şirkətlərini bu layihəyə cəlb edib.
Rusiyaya qayıdan soydaşımız 1993-cü ildə özəl neft şirkəti - “Nortgaz” QSC-ni qurub. Şirkət Rusiyanın Yamal-Nen Muxtar Vilayətindəki iri neft-qaz yataqlarından olan Şimali Urenqoy yatağının işlənməsində operator olub. F.Əhmədov fəal siyasətlə məşğuldur və kifayət qədər yüksək siyasi titul daşıyıb. 2004-2009-cu illərdə parlamentin yuxarı palatasının - Rusiya Federasiya Şurasının üzvü (senator) olan F.Əhmədov bundan əvvəl də Federasiya Şurasında Krasnodar vilayətini təmsil edib. Rusiyada və dünyada senator olan ilk azərbaycanlıdır. Hazırda “Nortgaz” şirkətinə rəhbərlik edən F.Əhmədovun sərvəti 1 milyard dollardan yuxarı hesablanır. Ümumrusiya Azərbaycanlıları Konqresinin vitse-prezidenti, Azərbaycanda Göyçay nar emalı zavodunun əsasında yaradılan “Aznar” şirkətinin sahibidir.

Xəbər xidməti

6784 dəfə baxılıb

[06.09.2010] - İRANDA 5 KÜRD TERRORÇUSU EDAM EDİLİB

[06.09.2010] - “İNSAN NAMİNƏ” SEÇKİ BLOKU YARADILIB

[06.09.2010] - “DEMOKRATİYA” SEÇKİ BLOKU YARADILIB

[06.09.2010] - "VELOTREK SATILMAYIB"

[06.09.2010] - MÜSAVAT-AXCP DANIŞIQLARINDA QARŞILIQLI ŞƏRTLƏR

[06.09.2010] - MÜSAVATIN TƏSDİQLƏNMİŞ NAMİZƏDLƏRİ

[06.09.2010] - LƏNKƏRANDA CAMAATA ATƏŞ AÇANLARDAN DÖRDÜ TUTULUB

[06.09.2010] - MÜƏLLİMLƏRİN 85 FAİZİ QADINLARDIR

[06.09.2010] - BAKIDA 37 DƏRƏCƏ İSTİ OLACAQ

[06.09.2010] - QORBAÇOV TİFLİSƏ GƏLMƏYƏ QORXDU

[06.09.2010] - "QARA TRANSPLANTASİYA" SÖHBƏTİ BİTMƏK BİLMİR

[06.09.2010] - MƏKTƏBLİ İNTİHAR ETDİ

[04.09.2010] - İSTANBUL-BAKI AVTOBUSU QƏZAYA UĞRAYIB

[04.09.2010] - ERMƏNİLƏRLƏ DÖYÜŞDƏ İKİ HƏRBÇİMİZ ŞƏHİD OLUB

[04.09.2010] - ZİYARƏTGAHDA İNTİHAR

[04.09.2010] - YARDIMLIDA DƏHŞƏTLİ QƏTL

[04.09.2010] - MÜSAVAT MƏCLİSİNDƏ QALMAQAL

[04.09.2010] - MÜSAVAT NAMİZƏDLƏR SİYAHISINI TƏSDİQLƏDİ

[04.09.2010] - QARADAĞDA AĞIR YOL QƏZASI

[04.09.2010] - DÖVLƏT BAYRAĞI MEYDANINDA FİŞƏNG ATIMI AŞKARLANIB

ARXIV