REPORTYORUMUZ "TELEQÜLLƏ"DƏN REPORTAJ HAZIRLAYIB

	09 fevral 2012


Onlayn ictimai-siyasi qəzet

Son xəbər

İKİ NAZİRİN QOHUMLARI BİR-BİRİNİ QIRIR

2010-07-30

Ziya Məmmədovdan Kəmaləddin Heydərovun yeznəsinə emborqo
Nəqliyyat nazirinin qardaşı Nəriman Məmmədovla Â«fövqəlnazirÂ»in yeznəsi Elnur Məmmədov işlədikləri Nəqliyyat Müfəttişliyində heç cür yola getmirlər

Məmur-oliqarxlar arasında savaş getdikcə şiddətlənməkdədir. Xüsusi ilə də nəqliyyat naziri Ziya Məmmədovla fövqəladə hallar naziri Kəmaləddin Heydərov arasında münasibətlər tam kəskinliyi ilə özünü göstərməkdədir.

Belə ki, iki nazir arasında münasibətlər bir neçə ildir ki, gərgindir. Tərəflər iqtisadi və biznes maraqlarını heç bir halda bir-birinə güzəştə getmək istəmir. Bir müddət əvvəl Ziya Məmmədov Kəmaləddin Heydərovun bacısının yoldaşı olan və üzün müddət bu sistemdə işləyən Elnur Məmmədovu Nəqliyyat Müfəttişliyinin rəis müavini vəzifəsindən çıxardaraq, müfəttişliyin ekspedisiya şöbəsinə rəis göndərib. Buna səbəb Ziya Məmmədovun qardaşı Nəriman Məmmədovla Elnur Məmmədovun yola getməməsi olub. Bu barədə bizi məlumatlandıran müfəttişliyin adının çəkilməsini istəməyən əməkdaşının sözlərinə görə, idarədə keçirilən son kollegiya iclasında nazirin qardaşı ilə Elnur Məmmədov arasında kəskin mübahisə düşüb. Müfəttişliyin əməkdaşlarının qarşısında onlar bir-birilərinə ağır sözlər deyiblər.
Mənbənin sözlərinə görə, mübahisəyə səbəb Elnur Məmmədovun rəhbərlik etdiyi şöbədə çalışan və Nəriman Məmmədovun yaxın adamı kimi tanınan Füzuli və digər iki şəxsi işdən uzaqlaşdırması olub.
Mənbə Nəqliyyat Müfəttişliyinin ən gəlirli sahələrindən biri sayılan ekspedisiya şöbəsində Â«dövr edənÂ» pulların heç bir hissəsinin hazırda Â«yuxarıÂ»ya ötürülmədiyini və Elnur Məmmədovun əməlli-başlı Ziya Məmmədova və qardaşına müqavimət göstərdiyini bildirdi: Â«Elnur Məmmədov açıq şəkildə bəyan edir ki, bundan sonra geri çəkilməyəcək. Və Nəriman Məmmədovun bütün baş verən özbaşınalıqların və korrupsiyanın başında dayandığını bildirirÂ».
Mənbəmiz Elnur Məmmədovun vəzifəsinin aşağı salınmasına Kəmaləddin Heydərovun hələlik birbaşa müdaxilə edilmədiyini deməklə yanaşı, fövqəlnazirə məxsus dövri mətbuatda Nəqliyyat Müfəttişliyi barədə gedən informasiyalardan Ziya Məmmədovun narahatçılıq keçirdiyini də bildirdi: “O, bütün yaxınlarına ehtiyatlı olmağı tapşırıb”.
Mənbənin sözlərinə görə, Elnur Məmmədov nazirlikdən gələn heç bir tapşırığa əməl etmir və şöbədə sürücülərdən alınan rüşvətin məbləğini artırıb. Buna qarşı Nəqliyyat Müfəttişliyinin rəhbərliyinin atdığı addım isə çox maraqlı olub. Belə ki, bütün nəqliyyat müfəttişlərinə tapşırılıb ki, sürücülərdən alınan sənədlər ancaq zəruri hallarda Elnur Məmmədovun rəhbərlik etdiyi şöbəyə göndərilsin: Â«Son vaxtlar ekspedisiya şöbəsinə daxil olan avtomobillərin sənədləri xeyli azalıbÂ». Göründüyü kimi, Ziya Məmmədov məhz bu yolla Elnur Məmmədovu oyundan kənarda saxlamağa çalışır.
Qeyd edək ki, Elnur Məmmədovun rəhbərlik etdiyi ekspedisiya şöbəsi yük avtomobillərinin və taksi xidməti göstərən maşınların yük yerlərinin standartlara uyğun olub olmadığına məsuldur.