 |
Son xəbər
ZƏLİMXAN YAQUB YENƏ ƏMƏLİYYAT OLUNUB 2010-09-02 Türkiyədə müalicə olunan şairin vəziyyəti yaxşıdır
|
Azərbaycan Aşıqlar Birliyinin sədri, xalq şairi Zəlimxan Yaqub Türkiyədə əməliyyat olunub. Bu barədə APA-ya şairin qardaşı Çingiz Yaqubov bildirib. Ç. Yaqubovun sözlərinə görə, qardaşının böyrəyində olan şiş götürülüb. Şair artıq palataya köçürülüb: “Zəlimxanın yanında olan oğlu ilə danışdım. Əməliyyat uğurlu keçib, Zəlimxan özünü yaxşı hiss edir”.
Qeyd edək ki, iki gün əvvəl Türkiyəyə gedən Zəlimxan Yaqub Türkiyənin “Amerikan” xəstəxanasına yerləşdirilib. Müayinə zamanı onun böyrəyində şiş aşkarlanıb.
Xatırladaq ki, ötən ilin sonlarında Türkiyədə xalq şairinin bir böyrəyi çıxarılıb. Bundan bir qədər əvvəl Z. Yaqub Almaniyada ürəyindən cərrahiyə əməliyyatı keçirib. 2010-cu ilin martında isə o, Bakıda ayağından əməliyyat olunub.
2245 dəfə baxılıb
|
