|
 |
|||||||
 |
||||||
 |
|
|||||
“İnsan orqanlarının “qara transplantasiya”sının həyata keçirilməsi ilə bağlı Ukrayna tərəfi Azərbaycana rəsmi müraciət etməyib”. Bu sözləri APA-nın sorğusuna cavabında Azərbaycan Daxili İşlər Nazirliyinin İnsan Alverinə Qarşı Mübarizə İdarəsinin rəisi vəzifəsini müvəqqəti icra edən İmran Nəcəfov deyib. Onun bildirdiyinə görə, son günlər ölkənin və xarici dövlətlərin bəzi kütləvi informasiya vasitələrində Azərbaycanda insan orqanlarının “qara transplantasiya”sının həyata keçirilməsi barədə həqiqətə uyğun olmayan məlumatlar yer alıb: “Aparılan ilkin araşdırmalar nəticəsində Azərbaycan ərazisində insan orqan və toxumalarının qanunsuz transplantasiyası halları aşkar edilməyib”. İ. Nəcəfov cinayətkarlığa qarşı mübarizə sahəsində Ukrayna ilə qarşılıqlı əməkdaşlığın MDB və GUAM dövlətləri arasında razılaşdırılmış və qüvvədə olan müvafiq normativ hüquqi aktlara əsasən həyata keçirildiyini qeyd edib: “Mətbuat orqanlarında göstərilən xüsusatlarla əlaqədar Ukrayna hüquq-mühafizə orqanlarından bizə bu günədək heç bir müraciət daxil olmayıb. İstənilən müraciətin ediləcəyi təqdirdə, qeyd olunan qarşılıqlı əməkdaşlığa əsasən, müvafiq cavab tədbirləri həyata keçiriləcək. İnsan alverinə, o cümlədən insan və toxumalarının qanunsuz transplantasiyasına qarşı mübarizə sahəsində cinayət əməllərin ifşa edilməsi istiqamətində müvafiq əməliyyat-axtarış tədbirlərinin tərəfimizdən həyata keçirilməsi davam etdirilir”. Qeyd edək ki, Ukrayna Daxili İşlər Nazirliyinin əməliyyat qrupunun bu həftə Azərbaycana səfəri planlaşdırılır. Bu barədə APA-ya açıqlamasında Ukrayna Daxili İşlər Nazirliyi Kibercinayətkarlıq və İnsan Alveri ilə Mübarizə Departamentinin rəisi Yuri Kuçer bildirib. Onun sözlərinə görə, Azərbaycana gəlməsi nəzərdə tutulan əməliyyat qrupu 3-4 gün ölkədə qalacaq və yerli hüquq-mühafizə orqanları ilə birgə araşdırma aparacaq. Y. Kuçer həmçinin “Qara transplantasiya” ilə bağlı Azərbaycan hüquq-mühafizə orqanları ilə Ukrayna Daxili İşlər Nazirliyinin əməkdaşlığına toxunaraq bununla əlaqədar birgə araşdırma aparılması məsələsinin iki ölkənin daxili işlər nazirlərinin müavinləri arasında baş tutmuş telefon danışığı zamanı müzakirə olunduğunu bildirib. Tərəflər cinayətkarlığın qarşısının alınması istiqamətində lazımi tədbirlərin görülməsi ilə bağlı fikir mübadiləsi aparıblar. Y. Kuçer “Qara transplantasiya”ların Azərbaycanın hansı klinikalarında həyata keçirilməsi barədə suala cavabında isə məlum hadisələrdə Azərbaycanın bir klinikasının adının keçdiyini deyib.
1060 dəfə baxılıb
|
[12.02.2012] - "EUROVİSİON-2012" MİLLİ FİNALI BAŞLADI (FOTOLAR) [12.02.2012] - NƏ ƏRƏB “BAHARI”, NƏ DƏ RUS “QIŞI” [12.02.2012] - BAKI FUNİKULYORU 3-cü DƏFƏ ƏSASLI TƏMİR EDİLİR (FOTOLAR) [12.02.2012] - HAVALAR MÜLAYİMLƏŞƏCƏK [12.02.2012] - AZƏRBAYCANDA ZƏLZƏLƏ OLUB [12.02.2012] - QƏZZAFİNİN DAHA BİR OĞLU HƏBS EDİLDİ (FOTO) [11.02.2012] - "ABŞ İRANA HÜCUN ETMƏYƏCƏK" [11.02.2012] - SƏBAİLDƏ SU KƏSİLDİ [11.02.2012] - İSMAYILLIDA XALQ ÜSYANI [11.02.2012] - TÜRKİYƏYƏ QAZ ARTIQLAMASİLƏ VERİLİR [11.02.2012] - POLİSLƏRƏ XƏSARƏT YETİRİLMƏSİNƏ DAİR RƏSMİ AÇIQLAMA YAYILIB [11.02.2012] - "YENİ MÜSAVAT"DA ZÜLM(ƏT)Ə ETİRAZ (FOTOLAR) [11.02.2012] - BİR AYIN ƏSGƏRİ XƏSTƏLİKDƏN ÖLDÜ [11.02.2012] - İRAN DÜNYANI ŞAŞIRDACAQ [11.02.2012] - ƏRDOĞAN YENİDƏN ƏMƏLİYYAT OLUNUB [11.02.2012] - LONDONDA ELMAR HÜSEYNOVLA BAĞLI İCTİMAİ DİNLƏMƏLƏR OLACAQ [11.02.2012] - NEFTÇİLƏR ARDNŞ-IN QARŞISINDA AKSİYA KEÇİRDİ [11.02.2012] - MİLLİ ORDUNUN ƏSGƏRİ YOL QƏZASINDA ÖLÜB |
| Yeni MÜSAVAT © 2008 |
|
 |