ÖZ MƏHKƏMƏMİZ, ÖZ VƏKİLİMİZ

	25 may 2012


Onlayn ictimai-siyasi qəzet

Şahvələd ÇOBANOĞLU

ÖZ MƏHKƏMƏMİZ, ÖZ VƏKİLİMİZ

ABŞ Dövlət Departamentinin, yaxud beynəlxalq təşkilatların Azərbaycanla bağlı hesabatlarının etirazla qarşılanmasına artıq adət etmişik. Rəsmilərimiz bu hesabatlardakı gerçəkliklərə söz tapa bilməyəndə yalnız bir şey deyirlər: “Onlar qərəzlidir”.

Amma Ali Məhkəmənin sədri Ramiz Rzayev yeni cavab tapıb. Məhkəmə sədri Dövlət Departamentinin hesabatında ötən il Azərbaycanda insan haqlarının vəziyyətinin daha da pisləşməsi, məhkəmələrin icra hakimiyyətindən asılı vəziyyətdə olması və korrupsiyaya uğraması haqda fikirlərə konkret münasibət bildirib: “Hərə öz məhkəməsi ilə məşğul olsa yaxşıdır”.
Biz bilmirik, yaxşı olmasa nə baş verəcək, bizim Ali Məhkəmə ABŞ Dövlət Departamenti haqda qərar və hökümmü çıxaracaq? Bəlkə xanım Klintona 2 il şərti iş kəsəcəklər, yaxud onun boynuna hesabatları təkzib etmək vəzifəsi qoyulacaq? Bəs görəsən, Ramiz Rzayev nədən qəti olaraq demir ki, məhkəmədə korrupsiya yoxdur? Niyə deyə bilmir?
Əslində “Hərə öz məhkəməsi ilə məşğul olsa yaxşıdır” fikri həm də o deməkdir ki, əşi, sizə nə dəxli var bunun, biz özümüz bilərik bizim məhkəməmiz necədir, bunun başqa heç kimə aidiyyəti yoxdur. Amma Ramiz Rzayev yaxşı bilir ki, onun bu sözlərinə hesabatı yayanlardan heç bir etiraz gəlməyəcək. Guya ABŞ-ın Azərbaycandakı səfiri xanım Dersi qayıdıb deyəcək ki, ay cənab Rzayev, insan haqları və buna birbaşa bağlı olan məhkəmələrin durumu artıq bir ölkənin öz işi sayılmır, yaxud Azərbaycan qəbul etdiyi beynəlxalq konvensiyalarla bunu özünün iç məsələsindən çıxararaq beynəlxalq məsələyə çevirib?
Biz də bilirik ki, indiyədək heç bir səfir, heç bir xarici dövlət nümayəndəsi, ya beynəlxalq təşkilatın səlahiyyətlisi onların hesabatlarına sərt və ironik münasibətlərə cavab verməyib. Hesabat müəllifləri öz hesabatlarını bir qayda olaraq müdafiə etmirlər və beləliklə də insan haqlarının müdafiəsi rədd edilən hesabatlardan uzağa getmir. Bəs bu hesabatlar nə üçündür? Kimlərinsə onları ələ salması üçünmü?
Qayıdaq öz məhkəmələrimizə. Doğrudan da bizim öz məhkəməmiz var. Necə ki, öz demokratiyamız, öz polisimiz, öz tarımız, öz sazımız, öz pomidorumuz olduğu kimi. Bilirəm ki, məhkəmələrimizdə nələr baş verdiyini yazmağım artıq olardı. Bu, hamıya aydındır, hətta hesabat yayan xaricilərə də. Amma bizim məhkəmələrdə baş verənləri bir vəkilin bundan öncə da yaydığımız ərizəsi daha yaxşı açır. Gərək ABŞ Dövlət Departamentində oturanlar bu ərizəni də yaydıqları hesabatın arxasına tikəydilər və anlayaydılar ki, bizim nəinki öz məhkəməmiz, hətta öz hakimlərimiz var. Hakimin haqsızlığına və kobud pozuntularına dözməyən vəkil Xalid Bağırov hakimdən aşağıdakı məzmunda bir şikayət ərizəsi yazıb:
- Yasamal Rayon Məhkəməsinin qətnaməsi maddi hüquq normaları ilə deyil, maddi hüquq torbaları ilə əsaslandırılıb. Damba-durum, dimba-daram, rapata-tupa, lapatu-tarap, arabaram-biribabip, diridit-rititi, rakada-duba, cikada-faka, qalmaz belə, qalmaz dünya.
Oleeee, ole-ole-ole. Ya-ya, şa-şa, damba-durumb, çox yaşa, qalmaz belə, qalmaz dünya.
Dumba-dubad, Məşədi İbad, Məşədi Qubad, tembolee Sindibad, mejdu proçim akrobat.

Gəl-gəl, a yaz günləri, ilin bəyaz günləri,
Sən nə tezdən durursan, qışqırıb banlayırsan.
Sürüşdü birdən-birə, dəydi baş üstə yerə,
Çoban açınca gözün, qalar iki buynuzun.

Dıps-çıps, fs-fş, fs-fş. Və bu yerdə ağ atlı şahzadə tapılır, halbuki onu çoxdan unutmuşdular, və xəbər tutur ki, “kolbasa konçilas, a prodoves v qrobu lejit”.
Şaxta baba bu söhbətə gecikir. Amma çox atılıb-düşür. Sonra bir də atılır, amma bu səfər düşə bilmir. Belə də ki, o da bilir qalmaz belə, qalmaz dünya.
Memati ümumiyyətlə söhbətdən ofsayta düşmüşdü. Üstəlik uşaqlar onu Papanində nəşə axtararkən görüblər. Xaraba qalasan Türkiyə, bir dənə Mematiyə o nəşəni düz-qoş eləyə bilmir. Mematinin uşaqlardan bir xahişi olub: “Amma Polad bilməsin”.
Bu soxa-soxda reklamlar başladı. Damba-durumb, dimba-daran. Rapatatutap-tupatatarap. Rakada-cika, cikada-raka. Qalmaz belə, qalmaz dünya. Ole, ole-ole-ole, ya-ya-ya. Şa-şa-şa, damba-durumb, çox yaşa. Qalmaz belə, qalmaz dünya. Reklamlar bitdi, seyrə davam...

812 dəfə baxılıb