Ermənistandakı hökumət əleyhinə etiraz aksiyaları mediada təqdim edildiyi qədər genişmiqyaslı deyil.
Musavat.com xəbər verir ki, bu barədə Paşinyana yaxın olan KİV-lər məlumat yayıb.
Qeyd edilib ki, üstəlik mövcud vəziyyətdə Paşinyanın impiçment məsələsi də real deyil.
Ermənistan qanunlarına görə, impiçment prosesinin başlaması üçün qərar layihəsi təqdim etməyə deputatların 1/3-nin (36 deputat) imzası lazımdır.
Hazırda müxalifətin 35 deputatı var ki, buna görə də qərar layihəsinin nəinki qəbul edilməsi, hətta təqdim edilməsi üçün lazım olan 36 səsdən 1-i çatmır.
Qeyd edək ki, Ermənistan parlamentində hakim "Mülki Müqavilə" partiyasının 71 deputatı, Robert Köçəryanın “Ermənistan” bloku 29, Serj Sərkisyanın “Şərəfim var” bloku isə 6 deputat var. 1 deputat isə “Şərəfim var” blokundan istefa verib və müstəqil fəaliyyət göstərir.
İmpiçmenti üçün kifayət qədər səsi olmayan müxalifət isə hazırda bu problemi küçə təzyiqi ilə həll etməyə ümid edir.
Musavat.com
