Məşhur amerikalı yazıçı və ssenarist, “Nyu-York trilogiyası”nın müəllifi Pol Oster 77 yaşında Bruklindəki evində vəfat edib.
Publika.az xəbər verir ki, “The New York Times” qəzetinin yazdığına görə, Osterin ölümünü onun dostu Ceki Liden təsdiqləyib. İlkin məlumata görə, yazıçının ölümünə səbəb ağciyər xərçəngindən yaranan fəsadlar olub.
Osterin ilk romanı olan “Şüşə şəhər”i 1985-ci ildə kiçik bir Kaliforniya mətbuatı tərəfindən nəşr olunmazdan əvvəl 17 naşir tərəfindən rədd edilib.
Onun “Nyu-York trilogiyası” son 100 ilin ən əhəmiyyətli 25 Nyu-York romanı siyahısına daxil edilib.
Pol məşhur aktyorların rol aldığı bir neçə bədii filmin ssenari müəllifi və rejissoru olub.
