Aprel ayında qlobal ərzaq qiymətlərində artım qeydə alınıb.
Musavat.com BMT-nin Ərzaq və Kənd Təsərrüfatı Təşkilatına (FAO) istinadən xəbər verir ki, bütün ərzaq məhsulları üzrə ümumi artım əsasən ət qiymətlərinin bahalaşması ilə əlaqədar olub.
Ötən FAO-nun ərzaq qiymətləri indeksinin dəyəri 119,1 bənd təşkil edib ki, bu da mart göstəricisindən 0,3 bənd (0,3 faiz) çoxdur: ətin və daha az dərəcədə bitki yağlarının və taxılın qiymət indekslərinin dəyərinin artmasını şəkər və süd məhsullarının qiymət indekslərinin dəyərinin azalması tam kompensasiya etməyib.
Ən böyük artımı ətin qiyməti indeksi göstərib - apreldə 116,3 bəndədək yüksəlib ki, bu da mart ayı səviyyəsindən 1,9 bənd (1,6 faiz) çoxdur. Beləliklə, quş ətinin qiymətləri quş qripi epidemiyası nəticəsində yaranan istehsal problemlərinin davam etməsi fonunda Yaxın Şərq ölkələrinin sabit alışları ilə dəstəklənib. Qlobal mal ətinin qiymətləri də əsas idxalçı ölkələrdən gələn güclü tələbin təsiri ilə artıb.
Bitki yağı qiymətləri indeksi əvvəlki ayla müqayisədə 0,3 bənd (0,3 faiz) artaraq 130,9 bənd olmaqla 13 ayın ən yüksək səviyyəsinə yüksəlib. Bu artım palma və soya yağlarının ucuzlaşması fonunda günəbaxan və kolza yağlarının qiymətlərinin artması ilə əlaqədardır.
Süd məhsullarının qiymət indeksi isə 123,7 bənd təşkil edib ki, bu da mart ayı səviyyəsindən 0,3 bənd (0,3 faiz) aşağıdır. Yağsız süd tozu qiymətləri xüsusilə Qərbi Avropada yüksək ixrac təklifi fonunda spot bazarda idxal tələbinin ləng olması ilə əlaqədar olaraq ən əhəmiyyətli dərəcədə aşağı düşüb.
Taxıl qiymətləri 111,2 bənd təşkil edib ki, bu da mart ayının səviyyəsindən 0,3 bənd (0,3 faiz) aşağıdır. Aprel ayında buğdanın qiymətləri Avropa İttifaqı, Rusiya və ABŞ-ın bəzi bölgələrində 2024-cü ilin məhsulu üçün əkin sahələrinin inkişafına əlverişsiz hava şəraiti ilə bağlı narahatlıqlar səbəbindən bir ay əvvəl bahalaşdıqdan sonra sabitləşib.
Şəkərin qiymət indeksi də öz növbəsində aprel ayında 5,9 bənd (4,4 faiz) azalaraq 127,5 bənd təşkil edib. Qlobal şəkər qiymətlərinin aşağı düşməsi ilk növbədə qlobal tədarükdə gözlənilən artımlar, o cümlədən Hindistan və Taylandda istehsal artımının əvvəlcədən proqnozlaşdırılandan daha güclü olması ilə bağlı olub.
Musavat.com
