“Rusiya prezidenti Dmitri Medvedyevin iyunun 29-da Azərbaycana səfəri zamanı imzalanan qaz müqaviləsi Türkiyəyə siqnaldır”.
Türkiyədə silahlı qüvvələrlə hakimiyyətdə təmsil olunan fətullahçılar təriqəti arasında mübarizə kəskinləşərək ordunun küncə sıxışdırılması istiqamətində davam edir. “Röyter” agentliyinin hazırladığı təhlildə deyilir ki, vaxtilə toxunulmaz sayılan türk generalları ölkə qanunvericiliyinin Avropa İttifaqının tələbləri ilə dəyişdirilməsindən sonra özlərini müdafiə etmək durumunda qalıblar. Çünki onların səlahiyyətləri azalıb.
Keçmiş iqtisadi inkişaf naziri Fərhad Əliyev, qardaşı Rafiq Əliyev və başqa 18 nəfərin işi ilə bağlı dünən Ali Məhkəmədə başlanan prosesdə vəkillər vəsatət qaldırıb keçmiş nazirin məhkəmədə iştirakının təmin edilməsini istəyiblər.
Milli Məclisin sonuncu iclasında deputat Cəlal Əliyevin xatırlandığı barədə xəbər vermişdik. Qeyd edək ki, deputat Əhəd Abıyev həmkarını ad günü münasibətilə təbrik etsə də zalda heç kim onun təbrikinə reaksiya verməmişdi. Hətta Ə.Abıyevin “millət vəkilləri adından hörmətli ziyalımızı təbrik edirəm” deməsi də YAP çoxluğunun canlanmasına səbəb olmadı.
Ötən saylarımızda nurçuluq təriqəti və onun Azərbaycan ilişkiləri haqda silsilə yazılar dərc etmişik. Həmçinin nurçuların Bakıda və Azərbaycanın digər bölgələrində gəncləri necə yoldan çıxarmaları, torlarına salmaları, eləcə də onların niyyətini anlayıb təriqətdən uzaqlaşanlar barədə də oxucuları məlumatlandırmışdıq.
Ölkə başçısı İlham Əliyevin iyunun sonunda Müdafiə Nazirliyi, Dövlət Sərhəd Xidməti və Daxili Qoşunların birləşmə və hissələrinin birgə keçirdiyi taktiki təlimlərdə iştirak edərkən ordunu hər an müharibəyə hazır olmağa çağırması yerli və xarici mətbuatda hələ də müzakirə edilməkdədir. Qeyd edək ki, irimiqyaslı əməliyyat-taktiki təlimlərin yekununda İ.Əliyev ordunun hazırlıq səviyyəsindən razı qaldığını bildirib və ardınca bir sıra sərt bəyanatlar səsləndirib.
Bir gün əvvəl Parisdən Hind okenanındakı Qəmər adalarına uçarkən qəzaya uğrayan “A-310” sərnişin təyyarəsindən iki uşaq sağ çıxıb. Yəmən hava yolları şirkətinə aid təyyarə Qəmər adaları sahillərində aeroporta çatmağa 1 saat qalmış 6-7 min metr yüksəklikdə qəzaya uğrayıb. Təyyarədə 153 sərnişin və heyət üzvü olub.
Azərbaycandan sonra Qazaxıstana səfər edən İsrail prezidenti Şimon Peres bu ölkənin paytaxtı Astanada ənənəvi dini cərəyanların liderlərinin beynəlxalq konqresinə qatılıb. “The Jerusalem Post” qəzetinin xəbərinə görə, onun konfransa qatılmasına etiraz olaraq İran nümayəndə heyəti tədbiri tərk edib. İran nümayəndə heyəti yalnız Peres çıxışını yekunlaşdırandan sonra zala qayıdıb.
Bakının Nərimanov rayonunda atelyedən oğurluq edən şəxs yaxalanıb. Rayon Polis İdarəsindən musavat.com-a verilən məlumata görə, iyulun 1-də saaat 20 radələrində N.Hacıyev küçəsində yerləşən dərzi atelyesində, orada dərzi işləyən Sumqayıt sakini, 1967-ci il təvəllüdlü Durna Ələkbərovanın 50 manat pulu naməlum şəxs tərəfindən oğurlanıb. Polis əməkdaşları həyata keçirdikləri əməliyyat-axtarış təbirləri nəticəsində oğurluq edən Culfa sakini, 1976-cı il təvəllüdlü Məhərrəm Əli oğlu Əliyev tutulub. Hazırda faktla bağlı araşdırma aparılır.
Yaxın günlərdə Ağır Cinayətlərə Dair İşlər üzrə Məhkəmədə “Meşə qardaşları” adlı qruplaşmanın işi üzrə məhkəmə prosesi başlanacaq. Bu günə kimi qruplaşma üzvlərinin ötən il avqustun 17-də Nərimanov rayonundakı “Əbu-Bəkr” məscidindəki qanlı terror aktı törətməsi barədə məlumatlar vardı.
«Azəriqaz» QSC rəsmisi əhaliyə satılan qazın qiymətinin artırılması səbəblərinə aydınlıq gətirib. QSC-nin iqtisadiyyat və proqnozlaşdırma şöbəsinin rəisi Tofiq Allahverdiyev dünən keçirdiyi mətbuat konfransında deyib ki, «Azəriqaz» hər il martda Tarif Şurasına ilin nəticələri barədə məlumat verir: «Bu məlumatlara çəkilən xərclər və gəlirlər, qazın maya dəyəri daxildir. Xərclər gəlirləri üstələdiyinə görə cəmiyyət Tarif Şurası qarşısında qiymətlərin artırılması təklifini qaldırdı».
Məlum olduğu kimi, Tarif Şurası ölkədə təbii qazın qiymətini iki dəfə bahalaşdırıb. Bundan sonra 1000 kubmetr təbii qazın qiyməti 100 manat olacaq. Qeyd edək ki, qurum «Azəriqaz» QSC-nin əhali istehlakçı qrupuna satılan qazın qiymətinə yenidən baxılmasına dair müraciəti əsasında bu qərarı verib. TŞ iddia edir ki, qazın istehlakında israfçılığın qarşısının alınması, əhalinin təbii qazla keyfiyyətli və etibarlı təminatının daha da yaxşılaşdırılması, eləcə də çəkilən xərclərin ödənməsini nəzərə alaraq, belə addım atılıb.
Xalq qəzeti”nin keçmiş baş redaktoru Mahal İsmayıloğlu 2 il müddətə şərti iş aldı. Qərarı bu gün Abşeron Rayon Məhkəməsi çıxarıb. Hakim Şəmsəddin Abbasovun elan etdiyi hökmə görə, jurnalist məhkəmə istintaqı zamanı aparılan ekspertizaların xərcinin ödənilməsi üçün 30 manat cərimə də ödəməlidir.
«Azadlıq» qəzetinə Norveçin Söz Azadlığı Fondu tərəfindən verildmiş 30 min manat məbləğindəki pul mükafatı artıq çatıb. Bu barədə bizə açıqlamasında qəzetin baş direktoru Azər Əhmədov məlumat verdi. Xatırladaq ki, daha öncə mətbuatda bu məbləğin redaksiya əməkdaşları arasında bölünməsi qaydaları ilə bağlı narazılıq olduğu yazılmışdı. A.Əhmədovun sözlərinə görə, qəzetin bütün borcları ödənəndən sonra yerdə qalan məbləğin 1/5 hissəsi əməkdaşlar arasında paylandı: «Proses hamının razılığı ilə, heç kim və heç nə yaddan çıxmadan bölündü».
“Barselona”da top qovan Kamerun millisinin lideri Samuel Eto`O karyerasını İngiltərədə davam etdirə bilər. Britaniyanın nüfuzlu “The Times” qəzeti xəbər verir ki, “Mançester Siti” qaradərili forvardı heyətinə qatmağa yaxındır. Məlumata ğörə, ərəb şeyxlərinin nəzarətində olan ingilis klubu məşhur oyunçunun keçidinə 25 milyon funt-sterlinq ödəməyə boyun olub.
Futbol üzrə Azərbaycan çempionatı bir müddət öncə yekunlaşdı. Hazırda klublarımızın başı yeni transferlərə, növbəti mövsümə, eləcə də qitə miqyaslı yarışlara hazırlıqlara qarışıb. Ölkə klublarının əksəriyyətinin nəhəng məmur-oliqarxların nəzarəti altında olması barədə mətbuatda dəfələrlə məlumat verilib. Bu yazımızda isə başa çatan mövsümdə hansı məmurun komandasının ayrılan pulların qarşılığında ümidləri doğruldub-doğrultmadığına toxunmaq istədik. Öncə ölkə çempionu “Bakı”dan başlayaq.
Dünya pop musiqisinin kralı sayılan Maykl Ceksonun ölümündən sonra albomlarının satışı görünməmiş həddə çatıb. Cekson dünyasını dəyişəndə yarım milyarda qədər borcunun olduğu deyilirdi. Amma bildirilir ki, disklərinin satışından əldə olunan gəlir artıq həmin borcu ödəyir.
Xalq artisti Brilliant Dadaşovanın sonuncu solo konsertindən xeyli vaxt ötüb. Müğənni növbəti konsert proqramı ilə çıxış edəcəyinə nəhayət ki, qərar verib. Proqrama hazırlıqların yayın sonlarında başlayacağını deyən sənətçi konserti ilin sonuna kimi keçirməyi planlaşdırır.
