Danimarkanın baş naziri Mette Frederiksen ölkəsində qaçqınlara sığınacaq təklif edilməsinin tamamilə dayandırmaq arzusundadır.
AZƏRTAC yerli KİV-lərə istinadla xəbər verir ki, Frederiksen Danimarkada sığınacaq üçün müraciətlərin sayını sıfıra endirmək istədiyini söyləyib.
“Bu, bizim məqsədimizdir. Lakin ölkəmizdə sığınacaq axtaranların olmayacağına söz verə bilmərik”, - deyə o bildirib.
Qeyd edək ki, 2020-ci ildə Danimarkada 1547 sığınacaq axtaran qeydə alınıb ki, bu da 1998-ci ildən bəri ən aşağı göstəricidir.
