"Bəzi meyxanaçılar bizim uşaqlarımızın dinlərini, imanlarını, tərbiyələrini pozurlar".
Musavat.com Bizim.Media-ya istinadən xəbər verir ki, bu sözləri Əməkdar artist Elza Seyidcahan qonaq olduğu "YouTube"da yayımlanan "Şəbnəmlə iç üzü" verilişində deyib.
Söz xiridarları ilə qalmaqal yaşayan sənətçi onları və söylədikləri meyxanaları sərt şəkildə tənqid edib:
"Onlar söz tapmayanda, küçə sözlərinə əl atırlar. Ana-bacılarını ortalığa qoyurlar. Vacib deyil ki, söz tapmırsansa, sus. Küçə sözlərini, pis vərdişlərlə bağlı sözləri uşaqlara aşılayırlar. Heç hərflərimizi, sözlərimizi də düzgün tələffüz etmirlər".
