İstanbul Baş Prokurorluğu tərəfindən aparılan istintaq çərçivəsində saxlanılan məşhur aktyor Oktay Kaynarca və məşhur müğənni Emel Müftüoğlu sərbəst buraxılıb.
Musavat.com xəbər verir ki, prokurora verdiyi ifadələrdən sonra Oktay Kaynarca və Emel Müftüoğlu məhkəməyə göndərilib və daha sonra ölkədən çıxışına qadağa tətbiq olunmaqla sərbəst buraxılıblar.
Qeyd edək ki, Türkiyənin İstanbul şəhərində narkotik vasitələrin qanunsuz dövriyyəsi ilə bağlı aparılan genişmiqyaslı istintaq çərçivəsində arasında tanınmış aktyor Oktay Kaynarca və aktrisa Emel Müftüoğlunun da olduğu 6 nəfər saxlanılıb.
İstanbul Baş Prokurorluğunun nəzarəti ilə aparılan araşdırmada şübhəlilərə qarşı narkotik və psixotrop maddələrin saxlanılması, fahişəliyə sövq etmə, eləcə də qanunsuz qumar fəaliyyətinin təşkili kimi ağır maddələr üzrə ittihamlar irəli sürülüb. Hüquq-mühafizə orqanları bildirir ki, əməliyyatlar bir neçə ünvanda paralel aparılıb, maddi sübutlar götürülüb və rəqəmsal materiallar ekspertizaya təqdim edilib.
Könül
Musavat.com
