Xəbər verdiyimiz kimi, Türkiyə prezidenti Rəcəb Tayyib Ərdoğan müxalifət lideri, Cümhuriyyət Xalq Partiyasının (CHP) sədri Özgür Özəllə görüşüb. Son 8 ildə bir ilk olan və siyasi atmosferi yumşaldacağı gözlənilən Ərdoğan-Özel görüşündə rəmzi hədiyyələr mübadiləsi aparılıb.
Musavat.com xəbər verir ki, təxminən 1,5 saat davam edən görüşdə CHP sədrinin prezident Ərdoğana verdiyi hədiyyə xüsusiyyətləri ilə gündəmə gəlib.
Belə ki, cəmi 2023 ədəd istehsal olunan “Cümhuriyyət atəşi” digər hədiyyələr arasında qiyməti ilə seçilib.
Məlumata görə, sözügedən hədiyyənin dəyəri 9 min 550 TL-dir.
Ərdoğan isə görüşdə Özələ fincan dəsti, çay və bal hədiyyə edib.
Musavat.com
