“Cəbhədə eskalasiyanın baş vermə riski yoxdur, mən bunu hələ görmürəm, görəndə isə tam şəkildə müdafiəyə keçəcəyik”.
Musavat.com erməni mediasına istinadən xəbər verir ki, bu barədə Ermənistan parlamentində müdafiə və təhlükəsizlik daimi komissiyasının sədri, Ermənistanın hakim “Vətəndaş sazişi” partiyasından olan deputat Andranik Köçəryan deyib.
Onun sözlərinə görə, Ermənistan daxilində də sülh prosesinə mane olanlar var. “Sərhəddə atəş açılıb, pəncərələr sındırılıb. Biz onları təmir edəcəyik və hər şeyi edəcəyik ki, belə çəkilişlər hətta Aİ müşahidəçiləri səviyyəsində də qiymətləndirilsin, atışma olmasın”, - deyə erməni deputat əlavə edib.
Musavat.com
