Azərbaycan silahlı qüvvələri Ermənistanın Sünik, Vayots Dzor və Geqarkunik rayonlarının ərazilərini arıq “işğal edib”. Ermənistanın Tavuş rayonunun əraziləri də işğal olunub (Azərbaycanın qanuni ərazilərini geri qaytarmasını erməni həyasızcasına bu cür ifadə edir-red.).
Musavat.com erməni mediasına istinadən xəbər verir ki, bu barədə Ermənistanın keçmiş ombudsmanı Arman Tatoyan öz Facebook səhifəsində yazıb.
“Azərbaycanın silahlı əsgərləri bu əraziləri tərk etməkdən imtina edirlər. Üstəlik, Ermənistanı ələ keçirmək üçün yeni addımlar hazırlanır. Azərbaycan hesab edir ki, ölkəsinin ərazisinin real ölçüsü 86,6 deyil, 100 min kvadratkilometrdir. Buna görə də, bugünkü təhlükəsizlik çağırışları həm geniş kontekstdə, həm də bütün sistem daxilində - bütün detallarla bağlı olaraq nəzərdən keçirilməlidir”,-deyə revanşist siyasətçi yazıb.
Musavat.com
