"İran qətiyyətlə cavab verəcək, lakin tələsik və ya emosional hərəkət etməyəcək".
Musavat.com xəbər verir ki, bunu İran İslam İnqilabı Keşikçiləri Korpusunun (SEPAH) Hərbi Dəniz Qüvvələrinin komandanı, general Təngsiri “Al-Mayadin” telekanalına müsahibəsində deyib.
O, İranın Dəməşqdəki səfirliyinin konsulluq şöbəsinə hücuma işarə edərək bildirib: "Bunların cavabı veriləcək, amma biz emosional və tələsik davranmırıq. Biz hazırıq, əmr gözləyirik"
Qeyd edək ki, aprelin 1-də İsrail İranın Dəməşqdəki səfirliyi yaxınlığına zərbələr endirib. Hadisə nəticəsində 13 nəfər ölüb. Bundan sonra Tehranla Təl-Əviv arasında münasibətlər gərginləşib.
Musavat.com